Ալինա Չարաևան ավարտեց ելույթը Համբուրգի WTA 250 մրցաշարում
Թենիս
- Հեղինակ: Vahe Hakobyan
- Sportaran
Հայաստանը ներկայացնող թենիսիստուհի Ալինա Չարաևան չկարողացավ դուրս գալ Համբուրգում անցկացվող WTA 250 կարգի մրցաշարի կիսաեզրափակիչ։
Աշխարհի դասակարգման աղյուսակում 117-րդ տեղը զբաղեցնող Չարաևան քառորդ եզրափակիչում երկու սեթում պարտվեց աշխարհի 97-րդ ռակետ, հունգարուհի Աննա Բոնդարին։ Հանդիպումն ավարտվեց 1:6, 6:7 (3:7) հաշվով։
Հաղթանակի դեպքում Չարաևան կիսաեզրափակիչում կարող էր հանդիպել Հայաստանի մեկ այլ ներկայացուցիչ Էլինա Ավանեսյանի հետ։ Ավանեսյանը քառորդ եզրափակիչում կմրցի ուկրաինացի Օլեքսանդրա Օլեյնիկովայի դեմ։
Համբուրգի մրցաշարում Չարաևան երկու հաղթանակ էր տարել՝ առավելության հասնելով ավստրիացի Սինյա Կրաուսի և իսպանացի Սառա Սորիբես Տորմոյի նկատմամբ։