Հայաստանի կանանց հավաքականը ուսումնամարզական հավաք կանցկացնի Ղազախստանի և Բելառուսի դեմ խաղերից առաջ

Հայաստանի կանանց ազգային հավաքականը մայիսի 31-ից հունիսի 10-ը կանցկացնի ուսումնամարզական հավաք՝ աշխարհի առաջնության ընտրական փուլի առաջիկա հանդիպումներից առաջ։

Մարիամ Ստեփանյանի գլխավորած թիմը կպատրաստվի երկու կարևոր խաղի։ Հունիսի 5-ին Հայաստանի հավաքականը ՀՖՖ տեխնիկական կենտրոն/Ֆուտբոլի ակադեմիայում կընդունի Ղազախստանի հավաքականին։ 4 օր անց՝ հունիսի 9-ին, Հայաստանի կանանց հավաքականը կհանդիպի Բելառուսի ընտրանուն։ Այդ հանդիպումը կանցկացվի Վրաստանում։

Հայաստանի հավաքականի համար առաջիկա հանդիպումները հնարավորություն կլինեն բարելավելու դիրքը խմբում և ռևանշ վերցնելու նախորդ անհաջողություններից հետո։ Ավելի վաղ հայկական թիմը նույն՝ 0:3 հաշվով պարտվել էր Ղազախստանի և Բելառուսի հավաքականներին։

Մարիամ Ստեփանյանը հավաքին հրավիրել է ինչպես հայկական ակումբներում հանդես եկող ֆուտբոլիստուհիների, այնպես էլ լեգեոներների, որոնք խաղում են Ռուսաստանում, ԱՄՆ-ում, Անգլիայում, Իտալիայում, Ուկրաինայում, Լեհաստանում և Ավստրալիայում։

Հայաստանի կանանց հավաքականի կազմը

Դարպասապահներ

Շողիկ Սարդարյան - «Ուրարտու-աղջիկներ»

Ալինա Պողոսյան - «Ակրոն» Կոնոպլյովի ակադեմիա (Ռուսաստան)

Լիլիթ Բաբայան - «Փյունիկ-աղջիկներ»

Պաշտպաններ

Սավաննա Լի Թեյլոր - ԱՄՆ

Սվետլանա Ղարագյոզյան - «Ռոստով-աղջիկներ» (Ռուսաստան)

Լիանա Ղազարյան - «Ռոստով-աղջիկներ» (Ռուսաստան)

Սոֆիա Գրեյս Հարությունյան - «Ռոլինս» (ԱՄՆ)

Լուսինե Կոստանյան - «Ուրարտու-աղջիկներ»

Սուսաննա Բադալյան - «Փյունիկ-աղջիկներ»

Թահլիա Ոսկանյան - «Նորթ Վեսթ Սիդնեյ Սփիրիթ» (Ավստրալիա)

Անի Կարապետյան - «Փյունիկ-աղջիկներ»

Դինարա Շիխշաբեկովա - 

Կիսապաշտպաններ

Կլաուդիա Չոլակիան - «Աքթոնիանս» (Անգլիա)

Աննա Դալլաքյան -  «Ռիզայն-աղջիկներ» (Ռուսաստան)

Օքսաննա Պիզլովա - «Ռոստով-աղջիկներ» (Ռուսաստան)

Լարա Կազանջյան - «Դոննա Ռոմա-աղջիկներ» (Իտալիա)

Քրիստինե Ալեքսանյան - «Մետալիստ 1925» (Ուկրաինա)

Վերոնիկա Ասատրյան - «Փյունիկ-աղջիկներ»

Միլենա Սայադյան - «Ուրարտու-աղջիկներ»

Էլինա Մարտիրոսյան - «Ուրարտու-աղջիկներ»

Իզաբելլա Մանե Ներսեսյան - KKP Վարշավա (Լեհաստան)

Լիսա Կազանջյան - «Սթոունհիլ քոլեջ» (ԱՄՆ)

Սամիրա Շիխշաբեկովա - 

Հարձակվողներ

Անի Սաֆարյան - «Կոլումբիայի համալսարանի մարզական թիմ»

Մարալ Արթին

Տաթև Խաչատրյան - «Փյունիկ-աղջիկներ»