Յուրիկ Պետրոսյանը՝ հունահռոմեական ըմբշամարտի Մ20 ԱԱ-ի արծաթե մեդալակիր
- Հեղինակ: Vahe Hakobyan
- Sportaran
Հայաստանի հունահռոմեական ոճի ըմբիշ Յուրիկ Պետրոսյանը Բրատիսլավայում անցկացվող մինչև 20 տարեկանների աշխարհի առաջնությունում նվաճել է արծաթե մեդալ։
Մինչև 87 կգ քաշային կարգի եզրափակիչում Հայաստանի ներկայացուցիչը մրցել է ճապոնացի Տայզո Յոշիդայի հետ և պարտվել 0:8 հաշվով։
Եզրափակիչ հասնելու ճանապարհին Պետրոսյանը հաղթանակներ էր տարել Ղրղզստանի, Իրանի և Ավստրիայի ներկայացուցիչների նկատմամբ։
Եզրափակիչում հայ ըմբիշի մրցակիցը տիտղոսակիր մարզիկ էր։ Յոշիդան նախկինում դարձել է մեծահասակների Ասիայի չեմպիոն, ինչպես նաև նվաճել է մեծահասակների աշխարհի առաջնության բրոնզե մեդալ։
Այսպիսով, Բրատիսլավայում ընթացող մրցաշարում Հայաստանի հավաքականն արդեն ունի երկու մեդալ՝ մեկ ոսկե և մեկ արծաթե։ Ավելի վաղ մինչև 77 կգ քաշային կարգում աշխարհի Մ20 չեմպիոն էր դարձել Սամվել Տերտերյանը։