ՀՖՖ նախագահի ընտրությունները կանցկացվեն դեկտեմբերի 21-ին․ սահմանվել է թեկնածուների առաջադրման վերջնաժամկետը
- Հեղինակ: Vahe Hakobyan
- Sportaran
Հայաստանի ֆուտբոլի ֆեդերացիայի նախագահի և գործադիր կոմիտեի անդամների ընտրությունները կկայանան 2026 թվականի դեկտեմբերի 21-ին։ Թեկնածուների առաջադրման փաստաթղթերն ընդունվում են մինչև նոյեմբերի 20-ը ներառյալ։
ՀՖՖ գործադիր կոմիտեն հաստատել է 28-րդ հերթական ընտրական ժողովի անցկացման օրը։ Այն կմեկնարկի Երևանի ժամանակով ժամը 12:00-ին՝ ֆեդերացիայի գլխավոր գրասենյակում՝ Երևան, Խանջյան փողոց, 27 հասցեում։
Ժողովի օրակարգում կլինեն ՀՖՖ նախագահի և գործադիր կոմիտեի անդամների ընտրությունները։ Այսպիսով, ֆեդերացիան պաշտոնապես սահմանել է առաջիկա քվեարկության օրը, ժամը և վայրը։
ՀՖՖ-ն հրապարակել է նաև թեկնածուների առաջադրման կարգը։ Անհրաժեշտ փաստաթղթերը պետք է ներկայացվեն մինչև 2026 թվականի նոյեմբերի 20-ը՝ Երևանի ժամանակով ժամը 24:00-ն։ Ֆեդերացիայի յուրաքանչյուր անդամ իրավունք ունի առաջադրել նախագահի մեկ թեկնածու և գործադիր կոմիտեի անդամի մեկ թեկնածու։
Հրապարակված պահանջների համաձայն՝ թեկնածուն պետք է լինի Հայաստանի Հանրապետության քաղաքացի, առնվազն 25 տարեկան և վերջին հինգ տարիներից առնվազն երկուսի ընթացքում ակտիվ մասնակցություն ունեցած լինի հայկական ֆուտբոլում։
Նախատեսված կատեգորիաների թվում են ֆուտբոլային գործիչները, կարիերան ավարտած ֆուտբոլիստները, մարզական լրագրողները, մեկնաբաններն ու իրավաբանները։ Առաջադրման կարգով սահմանված են նաև դատվածության և սնանկության ընթացակարգի բացակայության վերաբերյալ պահանջներ։
Քննարկեք նորությունները!
Անցնել մեկնաբանություններին ↓
Comments
0