«Վանը» հաղթեց «Գանձասարին» և տարավ երկրորդ հաղթանակը Հայաստանի առաջնությունում
Ֆուտբոլ
- Հեղինակ: Vahe Hakobyan
- Sportaran
«Վանը» Հայաստանի ֆուտբոլի Պրեմիեր լիգայի 9-րդ տուրի մեկնարկային խաղում 2:0 հաշվով հաղթեց «Գանձասարին»։ Չարենցավանը ներկայացնող թիմի համար սա երկրորդ հաղթանակն էր ընթացիկ մրցաշրջանում։
Գոլերի հեղինակներ դարձան Խալիլ Սամմանին և Պետրոս Ավետիսյանը։ 18-ամյա նիգերիացի ֆուտբոլիստի համար այս գոլը երկրորդն էր ընթացիկ մրցաշրջանում։ Ավետիսյանը նույնպես երկրորդ անգամ աչքի ընկավ Հայաստանի ընթացիկ առաջնությունում։
Այս հաղթանակի շնորհիվ «Վանը» վաստակեց 7 միավոր և զբաղեցնում է Հայաստանի Պրեմիեր լիգայի մրցաշարային աղյուսակի 10-րդ հորիզոնականը։
«Գանձասարը», կրելով հերթական պարտությունը, 3 միավորով մնաց վերջին՝ 11-րդ տեղում։
Հայաստանի Պրեմիեր լիգա, 9-րդ տուր
«Վան» – «Գանձասար»՝ 2:0
Գոլեր՝ Խալիլ Սամմանի, Պետրոս Ավետիսյան։