«Ուրարտուն» ջախջախեց «Սյունիքին» և տարավ մրցաշրջանի առաջին հաղթանակը
- Հեղինակ: Vahe Hakobyan
- Sportaran
«Ուրարտուն» Հայաստանի Պրեմիեր լիգայի նոր մրցաշրջանում տարավ առաջին հաղթանակը։ Երրորդ տուրի խաղում թիմը 3:0 հաշվով հաղթեց «Սյունիքին»։
Հանդիպման գլխավոր հերոսը դարձավ նախորդ մրցաշրջանում «Ուրարտուի» լավագույն ռմբարկու Բրունո Միշելը։ Հարձակվողը խփեց իր առաջին գոլերը նոր առաջնությունում՝ ձևակերպելով դուբլ։ Երկու գոլն էլ նա խփեց 11-մետրանոցից։
Եվս մեկ գոլի հեղինակ դարձավ թիմի նորեկ Միգել Ռաջանին։ Նա աչքի է ընկնում արդեն երկրորդ խաղում անընդմեջ։ Գոլային փոխանցմամբ էլ նշանավորվեց «Ուրարտուի» մեկ այլ նորեկ՝ Կացույուկի Իշիբաշին։
«Ուրարտուի» համար սա մրցաշրջանի առաջին հաղթանակն էր։ Նախորդ երկու տուրերում թիմը գրանցել էր մեկ ոչ-ոքի և մեկ պարտություն։
«Սյունիքը», ընդհակառակը, դեռ միավոր չի վաստակել։ Թիմը կրեց երրորդ անընդմեջ պարտությունը՝ յուրաքանչյուր խաղում բաց թողնելով երեքական գոլ։