Թոմաս Ադորյանը հաղթական գոլ է խփել «Բանֆիլդի» կազմում՝ աչքի ընկնելով երկրորդ անընդմեջ խաղում

25-ամյա հայ կիսապաշտպան Թոմաս Ադորյանը շարունակում է աչքի ընկնել արդյունավետ խաղով Արգենտինայի Կլաուսուրայում։ «Բանֆիլդի» ֆուտբոլիստը գեղեցիկ գոլ է խփել «Տիգրեի» դարպասը, որն արդյունքում հաղթական է դարձել իր թիմի համար՝ 2։1։

Ադորյանը հիանալի հարվածով առաջ է մղել «Բանֆիլդին» և օգնել թիմին կարևոր հաղթանակ տանել։ Հայ կիսապաշտպանի համար այս գոլը դարձել է երկրորդն անընդմեջ Արգենտինայի առաջնությունում և երրորդը՝ վերջին չորս խաղերում՝ բոլոր մրցաշարերը միասին վերցրած։ Երկու գոլ նա խփել է Կլաուսուրայում, ևս մեկը՝ Արգենտինայի գավաթի խաղարկությունում։

«Տիգրեի» դեմ խաղում Ադորյանը խաղադաշտում անցկացրել է բոլոր 90 րոպեները և SofaScore-ի վարկածով ճանաչվել հանդիպման լավագույն ֆուտբոլիստ՝ ստանալով 7,7 գնահատական։

Թոմաս Ադորյանի վիճակագրությունը «Տիգրեի» դեմ խաղում.

• Խաղաժամանակ՝ 90 րոպե

• Գոլեր՝ 1

• Հարվածներ՝ 4 (xG՝ 0,17)

• Առանցքային փոխանցումներ՝ 1

• Ճշգրիտ փոխանցումներ՝ 15 (71%)

• Հաջող խլումներ՝ 2

• Գնդակի հեռացումներ՝ 4

• Հաղթած մենապայքարներ՝ 3-ը 9-ից

• SofaScore-ի գնահատական՝ 7,7

Ադորյանը կարող է հրավիրվել Հայաստանի հավաքական

25-ամյա կիսապաշտպանի հաջող ելույթներն առանձնահատուկ հետաքրքրություն են ներկայացնում Հայաստանի ազգային հավաքականի գլխավոր մարզիչ Եղիշե Մելիքյանի վերջին հայտարարությունների ֆոնին։

Ավելի վաղ ազգային թիմի գլխավոր մարզիչը հայտնել էր, որ դիտարկում է Թոմաս Ադորյանին հրավիրելու հնարավորությունը ՈՒԵՖԱ-ի Ազգերի լիգայի նոյեմբերյան հանդիպումներին։

Հայաստանի հավաքականում առկա կադրային խնդիրների և հարձակման եզրերում լրացուցիչ տարբերակների որոնման պայմաններում Ադորյանը կարող է հետաքրքիր համալրում դառնալ Մելիքյանի թիմի համար։

Չորս խաղում երեք գոլը և Արգենտինայի առաջնության երկու անընդմեջ հանդիպումներում արդյունավետ ելույթները Թոմասին դարձնում են նոյեմբերին ազգային հավաքական հրավիրվելու ուշագրավ թեկնածուներից մեկը։

Նախկինում նա Հայաստանի հավաքականի կազմում անցկացրել է ընդամենը երկու ընկերական հանդիպում՝ 2025 թվականին։

ԳՈԼԻ ՏԵՍԱՆՅՈՒԹԸ