Տիգրան Բարսեղյանը Սլովակիայի առաջնությունում տպավորիչ գոլ է խփել տուգանային հարվածից (ՏԵՍԱՆՅՈՒԹ)

33-ամյա հայ կիսապաշտպան Տիգրան Բարսեղյանը գեղեցիկ գոլի հեղինակ է դարձել Սլովակիայի առաջնության 10-րդ տուրի խաղում, որում Բրատիսլավայի «Սլովանը» ոչ-ոքի՝ 1:1 հաշվով է ավարտել հանդիպումը «Սկալիցայի» հետ։

Հանդիպման 60-րդ րոպեին Բարսեղյանը հավասարեցրել է հաշիվը՝ գոլի հեղինակ դառնալով տուգանային հարվածից։ Հայ ֆուտբոլիստը գնդակն ուղարկել է մրցակցի տուգանային հրապարակ, սակայն այն, առանց որևէ մեկին դիպչելու, հայտնվել է դարպասում։

33-ամյա Բարսեղյանի համար այս գոլը երրորդն էր ընթացիկ մրցաշրջանում։

Հայ կիսապաշտպանն անցկացրել է ամբողջ 90 րոպեն և SofaScore-ի վարկածով ճանաչվել հանդիպման լավագույն ֆուտբոլիստը՝ ստանալով տպավորիչ 9,2 գնահատականը։

Բացի խփած գոլից, Բարսեղյանն աչքի է ընկել երեք առանցքային փոխանցմամբ և երեք հարվածով՝ դառնալով խաղադաշտի ամենաակտիվ ֆուտբոլիստներից մեկը։

Չնայած հայ ֆուտբոլիստի փայլուն ելույթին՝ «Սլովանը» կրկին միավորներ է կորցրել։ Բրատիսլավայի ակումբը շարունակում է դժվարություններ ունենալ ներքին առաջնությունում և 10-րդ տուրից հետո մրցաշարային աղյուսակում զբաղեցնում է չորրորդ տեղը։

Տիգրան Բարսեղյանի գոլի տեսանյութը՝