Սպերցյանը կատարեց մրցաշրջանի 16-րդ գոլային փոխանցումը և օգնեց «Կրասնոդարին» հաղթել «Ակրոնին»
- Հեղինակ: Vahe Hakobyan
- Sportaran
«Կրասնոդարը» Միր Ռուսաստանի Պրեմիեր լիգայի խաղում 1:0 հաշվով հաղթեց «Ակրոնին» և մրցաշրջանի ավարտից երկու տուր առաջ շարունակում է գլխավորել մրցաշարային աղյուսակը։
Հանդիպման միակ գոլը խփվեց 72-րդ րոպեին։ Ջոն Կորդոբան աչքի ընկավ Էդուարդ Սպերցյանի փոխանցումից հետո։ «Կրասնոդարի» կիսապաշտպանի համար այս գոլային փոխանցումը դարձավ արդեն 16-րդը ընթացիկ մրցաշրջանում։
Սպերցյանը խաղադաշտում անցկացրեց 89 րոպե։ Գոլային փոխանցումից բացի, Էդուարդը աչքի ընկավ երկու առանցքային փոխանցմամբ, երկու անգամ հարվածեց դարպասին և SofaScore-ից ստացավ 6,7 գնահատական։
Այս հաղթանակից հետո «Կրասնոդարը» զբաղեցնում է առաջին տեղը ՌՊԼ-ի մրցաշարային աղյուսակում՝ հավաքելով 63 միավոր։ «Ակրոնը» 27 միավորով գտնվում է 12-րդ հորիզոնականում։
Միր ՌՊԼ-ի 29-րդ տուրի հանդիպումները թիմերը կանցկացնեն մայիսի 11-ին։ «Ակրոնը» Սամարայում կխաղա «Ռոստովի» դեմ, իսկ «Կրասնոդարը» կհանդիպի Մոսկվայի «Դինամոյի» հետ։
Քննարկեք նորությունները!
Անցնել մեկնաբանություններին ↓
Comments
0