Հայաստանի Մ-17 հավաքականը հավաք կանցկացնի Երևանում․ Միրումյանը հրավիրել է 28 ֆուտբոլիստի
- Հեղինակ: Vahe Hakobyan
- Sportaran
Հայաստանի մինչև 17 տարեկանների պատանեկան հավաքականը շարունակում է նախապատրաստվել առաջիկա պաշտոնական հանդիպումներին։ Օգոստոսի 18-ից 21-ը Մհեր Միրումյանի գլխավորած թիմը ուսումնամարզական հավաք կանցկացնի ՀՖՖ Տեխնիկական կենտրոն/Ֆուտբոլի ակադեմիայում։
Մարզչական շտաբը հավաքին հրավիրել է 28 ֆուտբոլիստի։ Ամենամեծ ներկայացվածությունն ունի «Ուրարտուն»՝ 11 խաղացող։ Յոթ ֆուտբոլիստ ներկայացնում է «Փյունիկը», ևս չորսը՝ ՀՖՖ ակադեմիան։
Դարպասապահներ
Սարգիս Պերպերյան - «Ակադեմիա»
Գևորգ Ղազարյան - «Ուրարտու»
Կարեն Ղազարյան - «Ուրարտու»
Հարություն Դարմոյան - «Նոա»
Պաշտպաններ
Գոռ Մկրտչյան - «Ակադեմիա»
Նարեկ Կարապետյան - «Ակադեմիա»
Էդգար Պետրոսյան - «Ուրարտու»
Աբել Կարապետյան - «Ուրարտու»
Արտյոմ Հարթենյան - «Փյունիկ»
Ռոբերտ Հովակիմյան - «Փյունիկ»
Հայկ Ասատրյան - «Փյունիկ»
Արեն Բաբայան - «Արարատ-Արմենիա»
Կառլեն Սինամյան - «Նոա»
Կիսապաշտպաններ
Գրիգ Մխիթարյան - «Ակադեմիա»
Սամվել Պետրոսյան - «Ուրարտու»
Հրանտ Հովհաննիսյան - «Ուրարտու»
Բենիամին Բեգլարյան - «Ուրարտու»
Արման Սեխլեյան - «Ուրարտու»
Սամվել Բելգարյան - «Ուրարտու»
Էրիկ Բաղրամյան - «Ուրարտու»
Հակոբ Ղարիբյան - «Ուրարտու»
Գրիգոր Հարությունյան - «Փյունիկ»
Ալեքս Գասպարյան - «Փյունիկ»
Գագիկ Գրիգորյան - «Փյունիկ»
Էրիկ Վուվունիկյան - «ԲԿՄԱ»
Հովհաննես Հակոբյան - «Շիրակ»
Հարձակվողներ
Հայկ Գրիգորյան - «Փյունիկ»
Նարեկ Խաչատրյան - «Սարդարապատ»
Այսպիսով, հավաքականում ակումբների ներկայացվածությունը հետևյալն է․ «Ուրարտուն» պատվիրակել է 11 ֆուտբոլիստի, «Փյունիկը»՝ յոթ, ՀՖՖ ակադեմիան՝ չորս, «Նոան»՝ երկու։ Մեկական ֆուտբոլիստ հրավիրվել է «Շիրակից», «Արարատ-Արմենիայից», «Սարդարապատից» և ԲԿՄԱ-ից։
Օգոստոսյան հավաքը Մհեր Միրումյանի թիմի՝ Եվրոպայի Մ-17 առաջնության որակավորման առաջին փուլին նախապատրաստվելու փուլերից մեկը կլինի։ Որակավորման հանդիպումները կանցկացվեն նոյեմբերի 11-ից 17-ը Երևանում։
Խմբում Հայաստանի հավաքականի մրցակիցները կլինեն Իտալիան, Ֆրանսիան և Լյուքսեմբուրգը։
Մինչ պաշտոնական մրցաշարի մեկնարկը Հայաստանի պատանեկան հավաքականը լրացուցիչ խաղային պրակտիկա կստանա։ Սեպտեմբերի 7-ին և 9-ին Հայաստանի Մ-17 հավաքականը երկու ընկերական հանդիպում կանցկացնի Լիբանանի հասակակիցների դեմ։