Հայաստանի ֆուտզալի հավաքականը հրապարակել է կազմը Շվեդիայի դեմ ԱԱ-2028-ի ընտրական խաղի համար

Հայաստանի ֆուտզալի ազգային հավաքականը հրապարակել է 2028 թվականի աշխարհի առաջնության ընտրական փուլի շրջանակում Շվեդիայի դեմ արտագնա հանդիպման հայտացուցակը։ Հավաքականի գլխավոր մարզիչ Անտոնիո Ֆերնանդեսը նոյեմբերյան հավաքին հրավիրել է 17 ֆուտզալիստի։

Հավաքականի կազմում ընդգրկվել են ինչպես Ռուսաստանի, Իսպանիայի և Արգենտինայի առաջնություններում հանդես եկող լեգեոներներ, այնպես էլ հայկական ակումբների ներկայացուցիչներ։ Ամենաշատ ֆուտզալիստներին հավաքականին տրամադրել է Երևանի «Յունիսպորտը», որից հրավիրվել է միանգամից յոթ խաղացող։

Հայաստանի հավաքականի կազմը Շվեդիայի դեմ խաղի համար

1. Ալբերտ Աղաջանով — «ՏԶՄՍ» (Ռուսաստան)

2. Ֆակունդո Հովհաննիսյան — «Բուրելա» (Իսպանիա)

3. Արթուր Մկրտչյան — «Յունիսպորտ» (Հայաստան)

4. Արամ Ռամիրո Մարտին — «Պրիմերա Խունտա» (Արգենտինա)

5. Աղասի Եղիազարյան — «Երևան» (Հայաստան)

6. Պուտրուս Վասիլև — «Յունիսպորտ» (Հայաստան)

7. Արթուր Մելքոնյան — «Յունիսպորտ» (Հայաստան)

8. Միհրան Դերմենջյան — «Յունիսպորտ» (Հայաստան)

9. Սարգիս Մարգարյան — «Յունիսպորտ» (Հայաստան)

10. Միքայել Գանդիլյան — «Երևան» (Հայաստան)

11. Նիկիտա Խրոմիխ — «Վոլգա» Ուլյանովսկ (Ռուսաստան)

12. Գարեգին Մաշումյան — «Յունիսպորտ» (Հայաստան)

13. Ռաֆիկ Մելիքյան — «Յունիսպորտ» (Հայաստան)

14. Դենիս Նևեդրով — «Տյումեն» (Ռուսաստան)

15. Արսեն Պետրոսով — «Տորպեդո» (Ռուսաստան)

16. Էրիկ Հակոբյան — «Երևան» (Հայաստան)

17. Էրիկ Լազարյան — «Երևան» (Հայաստան)

Փոփոխություններ Հայաստանի հավաքականի կազմում

Հունգարիայի դեմ նախորդ հանդիպման հայտացուցակի համեմատ մարզչական շտաբը մի շարք փոփոխություններ է կատարել։

Նոր ցուցակում բացակայում են Արթուր Ստեփանյանը («Ֆակել ՅՈՒԿԻՈՐ»), Ալբերտ Գրիգորյանը («Նեֆտյանիկ») և Ռոբերտ Մամիկոնյանը («Երևան»)։

Միևնույն ժամանակ, հավաքական են հրավիրվել ռուսական «Տյումենի» ֆուտզալիստ Դենիս Նևեդրովը և Երևանի «Երևան» ակումբի խաղացող Էրիկ Հակոբյանը։

Ազգային թիմին դեռևս չի կարող օգնել նաև ավագ Վլադիմիր Սանոսյանը։ Փորձառու ֆուտզալիստը շարունակում է վերականգնվել վիրահատությունից հետո և բաց կթողնի առաջիկա հանդիպումը։

Ե՞րբ կկայանա Շվեդիա – Հայաստան հանդիպումը

Շվեդիայի հավաքականի դեմ արտագնա հանդիպումը կկայանա նոյեմբերի 7-ին՝ Երևանի ժամանակով ժամը 18:00-ին։

Հիշեցնենք, որ Հայաստանի հավաքականը 2028 թվականի աշխարհի առաջնության ընտրական փուլը սկսել է Հունգարիայից կրած տնային պարտությամբ՝ 2:3 հաշվով։

Այժմ Անտոնիո Ֆերնանդեսի գլխավորած թիմը կփորձի վաստակել իր առաջին միավորներն ընտրական մրցաշարում և բարելավել դիրքը խմբում։