Հայաստանի աղջիկների Մ17 հավաքականը Եվրո-2027-ի ընտրական փուլում ոչ-ոքի է խաղացել Անդորրայի հետ
- Հեղինակ: Vahe Hakobyan
- Sportaran
Հոկտեմբերի 29-ին Հայաստանի մինչև 17 տարեկան աղջիկների հավաքականը Եվրոպայի 2027 թվականի առաջնության որակավորման առաջին փուլի երկրորդ տուրում 1:1 հաշվով ոչ-ոքի է խաղացել Անդորրայի հետ։ B2 խմբի հանդիպումը կայացել է Թուրքիայի Մանավգաթ քաղաքում։
Հայաստանի հավաքականի միակ գոլը խփել է Քեթրին Կարապետյանը՝ օգնելով Սիմոն Համբարձումյանի թիմին վաստակել առաջին միավորն ընտրական մրցաշարում։
Մեկնարկային տուրում հայ ֆուտբոլիստուհիները խոշոր հաշվով պարտվել էին Թուրքիայի հավաքականին՝ 0:7։
Խմբային փուլի եզրափակիչ՝ երրորդ տուրում Հայաստանի Մ17 հավաքականը կհանդիպի Չեռնոգորիայի ընտրանուն։ Այդ հանդիպումը Հայաստանի թիմի համար վերջինը կլինի Եվրո-2027-ի որակավորման առաջին փուլում։
Աղջիկների Եվրո-2027 Մ17. որակավորման առաջին փուլ, B2 խումբ, 2-րդ տուր
Անդորրա Մ17 — Հայաստան Մ17՝ 1:1
Հայաստանի հավաքականի գոլը՝ Քեթրին Կարապետյան։