Հայաստանի հավաքականը ՖԻՖԱ-ի թարմացված վարկանիշում նահանջել է 107-րդ տեղ

ՖԻՖԱ-ն հրապարակել է ազգային հավաքականների թարմացված վարկանիշային աղյուսակը։ Հայաստանի ազգային հավաքականը հունիսյան ընկերական երկու հանդիպումներում գրանցած ոչ-ոքիներից հետո զբաղեցնում է 107-րդ տեղը։

Հունիսին Եղիշե Մելիքյանի թիմը նույն՝ 1:1 հաշվով ոչ-ոքի խաղաց Ղազախստանի և Մոլդովայի հավաքականների հետ։ Ապրիլյան վարկանիշի համեմատ Հայաստանի հավաքականը նահանջել է մեկ հորիզոնականով և այժմ ունի 1189,63 միավոր։

ՖԻՖԱ-ի վարկանիշային աղյուսակը շարունակում է գլխավորել Արգենտինայի հավաքականը։ Երկրորդ տեղում Եվրոպայի գործող չեմպիոն Իսպանիան է, իսկ լավագույն եռյակը եզրափակում է Ֆրանսիան։ Լավագույն տասնյակում են նաև Անգլիան, Պորտուգալիան, Բրազիլիան, Մարոկկոն, Նիդերլանդները, Բելգիան և Գերմանիան։

ՖԻՖԱ-ի վարկանիշի լավագույն տասնյակը

1. Արգենտինա — 1877,27
2. Իսպանիա — 1874,71
3. Ֆրանսիա — 1870,70
4. Անգլիա — 1828,02
5. Պորտուգալիա — 1767,85
6. Բրազիլիա — 1765,86
7. Մարոկկո — 1755,10
8. Նիդերլանդներ — 1753,57
9. Բելգիա — 1742,24
10. Գերմանիա — 1735,77

Հայ երկրպագուների համար առանձին հետաքրքրություն է ներկայացնում նաև Հայաստանի հավաքականի ապագա մրցակիցների դիրքը Ազգերի լիգայում։ Խմբի ամենաբարձր դիրք ունեցող թիմը Չեռնոգորիան է, որը զբաղեցնում է 80-րդ տեղը։ Հայաստանը 107-րդն է, Կիպրոսը՝ 124-րդը, իսկ Լատվիան՝ 137-րդը։

Հայաստանի մրցակիցներն Ազգերի լիգայի խմբում

• 80) Չեռնոգորիա - 1301, 98
  107) Հայաստան - 1189․ 63
  124) Կիպրոս - 1133․ 25
  137) Լատվիա - 1085․ 66

Հիշեցնենք, որ Ազգերի լիգայի նոր խաղարկությունում Հայաստանի հավաքականը C2 խմբում կմրցի Չեռնոգորիայի, Կիպրոսի և Լատվիայի հավաքականների հետ։ Առաջին հանդիպումը կկայանա սեպտեմբերի 25-ին Երևանում՝ Լատվիայի դեմ։