Ռուդոլֆ Գարբոյանը դարձավ բռնցքամարտի Եվրոպայի առաջնության բրոնզե մեդալակիր
Բռնցքամարտ
- Հեղինակ: Vahe Hakobyan
- Sportaran
Հայ բռնցքամարտիկ Ռուդոլֆ Գարբոյանը Սոֆիայում անցկացվող 2026 թվականի Եվրոպայի առաջնությունում մինչև 50 կգ քաշային կարգում նվաճեց բրոնզե մեդալ։
Կիսաեզրափակչում Գարբոյանը մրցավարների միաձայն որոշմամբ՝ 0։5 հաշվով, պարտվեց ռուսաստանցի Բաիր Բատլաևին։ Մինչ այդ հայ մարզիկը մրցաշարում երկու հաղթանակ էր տարել՝ Պորտուգալիայի և Իսրայելի ներկայացուցիչների նկատմամբ։
Գարբոյանի բրոնզը Հայաստանի հավաքականի երկրորդ և վերջին մեդալն էր այս Եվրոպայի առաջնությունում։ Ավելի վաղ մինչև 65 կգ քաշային կարգում երրորդ տեղն էր զբաղեցրել Էլիդա Քոչարյանը։
Սեպտեմբերի 23-ին մեդալից մեկ քայլ հեռու կանգ առավ Մարատ Միքալյանը (75 կգ)։ Քառորդ եզրափակչում նա մրցավարների բաժանված որոշմամբ՝ 2։3 հաշվով, պարտվեց անգլիացի Քալում Մաքինին։