Պաշտոնական. Արթուր Միրանյանը՝ իսրայելական «Իրոնի Տիբերիասի» ֆուտբոլիստ
- Հեղինակ: Vahe Hakobyan
- Sportaran
Հայաստանի ազգային հավաքականի հարձակվող Արթուր Միրանյանը կարիերան կշարունակի Իսրայելում։ 30-ամյա ֆորվարդը պաշտոնապես դարձել է «Իրոնի Տիբերիասի» ֆուտբոլիստ։
Նախորդ մրցաշրջանում Միրանյանը հանդես էր գալիս «Բնեյ Սախնինի» կազմում։ Թիմի հետ նա Իսրայելի առաջնությունում զբաղեցրել է 11-րդ տեղը՝ 29 խաղում դառնալով 5 գոլի հեղինակ։ Հայ հարձակվողի նոր ակումբը՝ «Իրոնի Տիբերիասը», մրցաշրջանն ավարտել է երկու հորիզոնականով ավելի բարձր՝ 9-րդ տեղում։
Հետաքրքիր է, որ հիմնական կազմում տեղի համար Միրանյանի մրցակիցներից մեկը կլինի հայկական ծագում ունեցող 25-ամյա հարձակվող Սամիր Ֆարհուդ Յակուբյանը։ Վերջին երկու մրցաշրջանները նա անցկացրել է «Հապոել Բեեր Շևայի» կազմում։
Արթուր Միրանյանը Հայաստանի ազգային հավաքականի կազմում անցկացրել է 20 հանդիպում և դարձել մեկ գոլի հեղինակ։
Հիշեցնենք, որ Իսրայելի առաջնություն է տեղափոխվում նաև Հայաստանի հավաքականի մեկ այլ ֆուտբոլիստ՝ Էդգար Սևիկյանը։