Նաիր Տիկնիզյանը ժամանել է Հունաստան՝ «Օլիմպիակոսի» հետ պայմանագիր ստորագրելու համար

Հայաստանի ազգային հավաքականի պաշտպան Նաիր Տիկնիզյանն այսօր առավոտյան ժամանել է Հունաստան, որտեղ կավարտի իր տեղափոխությունը «Օլիմպիակոս»։

Ֆուտբոլիստը Աթենք է ժամանել երկուշաբթի՝ օգոստոսի 17-ին, տեղական ժամանակով 08:55-ին՝ Բելգրադով տարանցիկ չվերթով։

Այսօր Տիկնիզյանը բուժզննում կանցնի, որից հետո պայմանագիր կստորագրի հունական ակումբի հետ։ Պաշտպանի պայմանագիրը «Օլիմպիակոսի» հետ նախատեսված կլինի չորս տարվա համար։ Այսօր նաև սպասվում է նորեկի պաշտոնական ներկայացումը։

Ավելի վաղ հաղորդվել էր, որ «Օլիմպիակոսը» ֆուտբոլիստի տրանսֆերի համար 5 մլն եվրո կվճարի «Ցրվենա Զվեզդային»։ Եվս 2 մլն եվրո սերբական ակումբը կարող է ստանալ պայմանագրով նախատեսված բոնուսների տեսքով։

Նաիր Տիկնիզյանը կդառնա «Օլիմպիակոսի» պատմության մեջ Հայաստանի քաղաքացիություն ունեցող 3 հայ ֆուտբոլիստը։

Նշենք, որ «Օլիմպիակոսն» արդեն ապահովել է իր մասնակցությունը Եվրոպայի լիգայի հիմնական փուլում։