Լիտվացի մրցավար Դոնատաս Ռումշասը կսպասարկի «Արարատ-Արմենիա» — «Ունիվերսիտատյա Կրայովա» հանդիպումը
Ֆուտբոլ
- Հեղինակ: Vahe Hakobyan
- Sportaran
Լիտվացի մրցավար Դոնատաս Ռումշասը նշանակվել է Եվրոպայի լիգայի փլեյ-օֆֆ փուլի «Արարատ-Արմենիա» — «Ունիվերսիտատյա Կրայովա» պատասխան հանդիպման գլխավոր մրցավար։ Խաղը կկայանա Երևանում։
Թիմերի առաջին հանդիպումը Ռումինիայում ավարտվել է ոչ-ոքի՝ 1:1, ուստի դիմակայության ելքը կորոշվի պատասխան խաղում։
Ռումշասը բարձր մակարդակի հանդիպումներ սպասարկելու մեծ փորձ ունի։ Նախկինում լիտվացի մրցավարը աշխատել է Չեմպիոնների լիգայի լիգային փուլի, ինչպես նաև Եվրոպայի լիգայի փլեյ-օֆֆի հանդիպումներում։
Ռումշասի օգնականները կլինեն նրա հայրենակիցներ Ալեքսանդր Ռադիուսը և Դովիդաս Սուզիդելիսը։ Չորրորդ մրցավարի պարտականությունները կկատարի լիտվացի Ռոբերտաս Սմիտասը։
VAR համակարգի աշխատանքը կվերահսկեն լեհ մրցավարներ Տոմաշ Կվյատկովսկին և Պյոտր Ուրբանը։