Կլայդեր Մասեդոն հեռացավ «Ալաշկերտից»
- Հեղինակ: Vahe Hakobyan
- Sportaran
Բրազիլացի պաշտպան Կլայդեր Մասեդոն հեռացել է «Ալաշկերտից» պայմանագրի ավարտից հետո։
Հայաստանում անցկացրած երկու մրցաշրջանների ընթացքում Մասեդոն հանդես է եկել նախ «Վանի», ապա «Ալաշկերտի» կազմում՝ փաստացի խաղալով նույն թիմի համար։ Նա իրեն դրսևորել է որպես Հայաստանի առաջնության լավագույն պաշտպաններից մեկը և երկու մրցաշրջաններում էլ թիմի առաջատարն է եղել խաղադաշտում անցկացրած րոպեների քանակով։
Հատկանշական է, որ երկու տարվա ընթացքում Կլայդերը բաց է թողել ընդամենը երկու հանդիպում՝ երկուսն էլ որակազրկումների պատճառով, և ոչ մի անգամ չի փոխարինվել խաղի ընթացքում։
Նրա հեռանալը լուրջ կորուստ է «Ալաշկերտի» համար, հատկապես Կոնֆերենցիաների լիգայի մեկնարկից առաջ, որտեղ հայկական ակումբը պայքարը սկսելու է որակավորման առաջին փուլից։ Նման կայուն և փորձառու ֆուտբոլիստին փոխարինելը հեշտ առաջադրանք չի լինի ակումբի համար։