Կիպրոսը հրապարակել է Ազգերի լիգայի իր կազմը՝ 27 խաղացող և երեք նորեկ՝ Հայաստանի դեմ խաղից առաջ
- Հեղինակ: Vahe Hakobyan
- Sportaran
Կիպրոսի հավաքականը հրապարակել է ՈՒԵՖԱ-ի Ազգերի լիգայի 2026/27 մրցաշրջանի առաջին չորս հանդիպումների հայտացուցակը։ Ապոստոլոս Մանցիոսի թիմը Հայաստանի հավաքականի մրցակիցներից մեկն է C2 խմբում։
Կիպրոսի հավաքականի հայտացուցակում ընդգրկվել է 27 ֆուտբոլիստ։ Առաջին անգամ ազգային հավաքական են հրավիրվել միանգամից երեք խաղացողներ՝ Մարկուս Էդվարդսը, Լեոնիդաս Կոնոմիսը և Նիկոլաս Ցարուլլան։
Կիպրոսի հավաքականը սեպտեմբեր-հոկտեմբերյան հանդիպումների նախապատրաստությունը կսկսի սեպտեմբերի 21-ին։ 11 օրվա ընթացքում թիմը կանցկացնի չորս հանդիպում։
Սեպտեմբերի 25-ին կիպրոսցիներն արտագնա խաղում կմրցեն Չեռնոգորիայի, իսկ սեպտեմբերի 28-ին՝ Լատվիայի հետ։ Դրանից հետո թիմը կվերադառնա Կիպրոս, որտեղ հոկտեմբերի 2-ին կընդունի Հայաստանի հավաքականին GSP մարզադաշտում։ Հանդիպման մեկնարկը՝ 19:00-ին։ Հոկտեմբերի 5-ին Կիպրոսը սեփական հարկի տակ կմրցի նաև Լատվիայի հետ։
Երևանի «Փյունիկի» հարձակվող Յասոնաս Պիկիսը, չնայած Հայաստանի առաջնությունում արդյունավետ մեկնարկին, հավաքական չի հրավիրվել։ 25-ամյա ֆուտբոլիստը 7 խաղում խփել է 4 գոլ և կատարել 3 գոլային փոխանցում։
Կիպրոսի հավաքականի կազմը Ազգերի լիգայի 2026/27 մրցաշրջանի համար
Դարպասապահներ.
- Ժոել Մալլ — «Յանգ Բոյզ»
- Նեոֆիտոս Միխայել — «Ունիվերսիտատյա» Կլուժ
- Ֆաբիանո Ֆրեյտաս — «Օմոնիա»
- Անդրեաս Պարասկևաս — ԱԵԿ Լառնակա
Պաշտպաններ.
- Կոնստանտինոս Լաիֆիս — ԱՊՕԵԼ
- Կոստաս Պիլեաս — ԱԵԿ Լառնակա
- Խրիստոս Սիելիս — ՕՖԻ
- Կոնստանտինոս Սոտիրիու — «Կորոնա» Կելցե
- Անդրեաս Սիիկկիս — «Ապոլոն» Լիմասոլ
- Լեոնիդաս Կոնոմիս — «Ապոլոն» Լիմասոլ
- Նիկոլաս Պանայոտու — «Ուտրեխտ»
- Նիկոլաս Ցարուլլա — «Նոթս Քաունթի»
Կիսապաշտպաններ.
- Գրիգորիս Կաստանոս — «Վերոնա»
- Կոստակիս Արտիմատաս — «Անորտոսիս»
- Խարալամբոս Կիրիակու — ԱԵԿ Լառնակա
- Հեկտոր Կիպրիանու — «Ուոթֆորդ»
- Իոաննիս Կոստի — «Լևադիակոս»
- Պանայոտիս Անդրեու — «Օմոնիա»
Հարձակվողներ.
- Իոաննիս Պիտտաս — ԲԿՄԱ Սոֆիա
- Լոիզոս Լոիզու — «Ցրվենա Զվեզդա»
- Մարինոս Ցիոնիս — ՈւՏԱ Արադ
- Անդրոնիկոս Կակուլլիս — «Օմոնիա»
- Անգելոս Նեոֆիտու — «Օմոնիա»
- Ստավրոս Գեորգիու — ԱՊՕԵԼ
- Մարկուս Էդվարդս — «Բերնլի»
Հավաքականի ամենանշանավոր նորեկը անգլիական «Բերնլին» ներկայացնող Մարկուս Էդվարդսն է։ Նրանից բացի, ազգային հավաքականում նորամուտի հնարավորություն են ստացել պաշտպաններ Լեոնիդաս Կոնոմիսը և Նիկոլաս Ցարուլլան։
Հայաստանի և Կիպրոսի հավաքականները կհանդիպեն հոկտեմբերի 2-ին Նիկոսիայում։ Այս երկու թիմերից բացի, Ազգերի լիգայի C2 խմբում հանդես են գալիս նաև Լատվիան և Չեռնոգորիան։
