Կարեն Խաչանովը դուրս է եկել Պեկինի ATP 500 մրցաշարի քառորդ եզրափակիչ
Թենիս
- Հեղինակ: Vahe Hakobyan
- Sportaran
Հայկական ծագում ունեցող ռուսաստանցի թենիսիստ Կարեն Խաչանովը շարունակել է հաջող ելույթը China Open մրցաշարում։ Երկրորդ շրջանի խաղում աշխարհի 26-րդ ռակետը հաղթել է սլովակ Ալեքս Մոլչանին՝ 7:5, 6:3 հաշվով։ Հանդիպումը տևել է 1 ժամ 13 րոպե։
Խաչանովը կատարել է յոթ էյս, չի թույլ տվել ոչ մի կրկնակի սխալ, իրացրել է երեք բրեյք-փոյնթից երկուսը և մրցակցին չի տվել բրեյքի հասնելու ոչ մի հնարավորություն։ Սա նրա երկրորդ հաղթանակն է Պեկինում՝ աշխարհի հինգերորդ ռակետ Ֆելիքս Օժե-Ալյասիմի նկատմամբ աղմկահարույց հաջողությունից հետո։
Քառորդ եզրափակիչում Խաչանովը կհանդիպի Հուբերտ Հուրկաչ — Արթյուր Ժեա հանդիպման հաղթողի հետ։ Այս փուլի հանդիպումը նախատեսված է հոկտեմբերի 4-ին։