Երևանում անցկացված մեծահասակների գրեփլինգի Եվրոպայի 2026 թվականի առաջնության արդյունքները

Մայիսի 27-ին Երևանում՝ «Գազպրոմ Արմենիա» մարզահամալիրում, ավարտվեց UWW-ի հովանու ներքո անցկացված գրեփլինգի Եվրոպայի 2026 թվականի առաջնությունը։

Մրցաշարի չորրորդ օրը գորգ դուրս եկան մեծահասակ մարզիկները՝ տղամարդիկ և կանայք։

Մրցումներին մասնակցեցին 11 երկրների ներկայացուցիչներ՝ Հայաստանի, Ռուսաստանի, Ուկրաինայի, Լեհաստանի, Գերմանիայի, Մոլդովայի, Իտալիայի, Իսպանիայի, Հունաստանի, Վրաստանի և Բելառուսի։

Հայաստանի հավաքականը ներկայացված էր մեծ կազմով, սակայն տնային մրցաշարում մեծահասակների պայքարում կարողացավ նվաճել միայն մեկ մեդալ։ Միևնույն ժամանակ այդ մեդալը ոսկե էր․ Ռազմիկ Միսակյանը վստահ հաղթեց տղամարդկանց մինչև 58 կգ քաշային կարգում։

Եզրափակչում Միսակյանը հաղթեց Իսպանիայի ներկայացուցիչ Ալեխանդրո Ռեյես Ռոդրիգեսին և դարձավ Եվրոպայի չեմպիոն։ Եվս չորս հայ մարզիկներ պայքարեցին բրոնզե մեդալների համար, սակայն պարտվեցին փոքր եզրափակիչներում։

Տղամարդկանց թիմային հաշվարկում առաջին տեղը զբաղեցրեց Ռուսաստանը, որը նվաճեց վեց ոսկե մեդալ։ Երկրորդը Լեհաստանն էր, երրորդը՝ Իսպանիան։ Հայաստանի հավաքականը 79 միավորով զբաղեցրեց 4-րդ տեղը։

Կանանց պայքարում լավագույն թիմը դարձավ Լեհաստանը, որը նվաճեց երկու ոսկե մեդալ և հավաքեց 89 միավոր։ Ռուսաստանը 88 միավորով զբաղեցրեց երկրորդ տեղը, իսկ Իտալիան դարձավ երրորդը։ Հայաստանի կանանց հավաքականը հավաքեց 13 միավոր և զբաղեցրեց 7-րդ տեղը։

Մեծահասակների գրեփլինգի Եվրոպայի 2026 թվականի առաջնության արդյունքները

Տղամարդիկ

58 կգ — 7 մասնակից

1. Ռազմիկ Միսակյան (Հայաստան)
2. Ալեխանդրո Ռեյես Ռոդրիգես (Իսպանիա)
3. Յակուբ Բարդեն (Լեհաստան)

7-րդ տեղ՝ Պետյա Հովսեփյան (Հայաստան)

62 կգ — 8 մասնակից

1. Ռուսլան Ռաջաբխանով (Ռուսաստան)
2. Իգոր Կուզուրգաշև (Ռուսաստան)
3. Լորիս Ձանոլինի (Իտալիա) և Մատեուշ Հալաս (Լեհաստան)

8-րդ տեղ՝ Տիգրան Փիլիպոսյան (Հայաստան)

66 կգ — 8 մասնակից

1. Մագոմեդ Շահբանով (Ռուսաստան)
2. Յուրի Չերկալյուկ (Ուկրաինա)
3. Մագոմեդ Խիրամագոմեդով (Ռուսաստան) և Միխայիլո Կազիմերչուկ (Ուկրաինա)

5-րդ տեղ՝ Նարեկ Այվազյան (Հայաստան)

71 կգ — 14 մասնակից

1. Շամիլ Հուսեյնով (Ռուսաստան)
2. Իկեր Կամարա (Իսպանիա)
3. Կուրբան Կադիև (Ռուսաստան) և Ջիմշեր Ռազմաձե (Վրաստան)

13-րդ տեղ՝ Ասլան Պողոսյան (Հայաստան)
14-րդ տեղ՝ Արամ Ավագյան (Հայաստան)

77 կգ — 13 մասնակից

1. Ալեքսանդր Կարպենկով (Ռուսաստան)
2. Գազիմագոմեդ Գազիև (Ռուսաստան)
3. Ուսամ Իդրիսի (Իսպանիա) և Յակուբ Նայդեկ (Լեհաստան)

5-րդ տեղ՝ Նահապետ Էքիզյան (Հայաստան)
10-րդ տեղ՝ Կարլեն Նավասարդյան (Հայաստան)

84 կգ — 10 մասնակից

1. Սեբաստյան Պատիկ (Լեհաստան)
2. Դավուդ Մագոմեդով (Ռուսաստան)
3. Կրիստիան Ֆրիլիչչի (Իտալիա) և Կրիստիան Տուգուլեա (Մոլդովա)

5-րդ տեղ՝ Սուրեն Խարդյան (Հայաստան)
7-րդ տեղ՝ Մհեր Թադևոսյան (Հայաստան)

92 կգ — 10 մասնակից

1. Մատեուշ Մազուր (Լեհաստան)
2. Ալիբեկ Սուլեյմանով (Ռուսաստան)
3. Մուսլիմ Մալսագով (Ռուսաստան) և Պաբլո Նյետո (Իսպանիա)

8-րդ տեղ՝ Արթուր Աղաջանյան (Հայաստան) և Խաչատուր Թամարյան (Հայաստան)

100 կգ — 6 մասնակից

1. Մուհամեդ Ուրուսով (Ռուսաստան)
2. Ալեքսանդր Թևզաձե (Վրաստան)
3. Անտոնիո Կարետո (Իտալիա)

Միշա Դիլանյան (Հայաստան)

130 կգ — 7 մասնակից

1. Բիլալ Կուրբաբագամաև (Ռուսաստան)
2. Էլդար Ռաֆիգաև (Մոլդովա)
3. Ալեքսանդր Կոլդովսկի (Ուկրաինա)

Տղամարդկանց թիմային հաշվարկ

1. Ռուսաստան — 190 միավոր
2. Լեհաստան — 121
3. Իսպանիա — 86
4. Հայաստան — 79
5. Ուկրաինա — 77
6. Իտալիա — 73
7. Մոլդովա — 49
8. Վրաստան — 45
9. Գերմանիա — 16
10. Բելառուս — 8
11. Հունաստան — 8

Կանայք

53 կգ — 9 մասնակից

1. Կարլոտա Լարիոս (Իսպանիա)
2. Ջուլիա Անջիոլինի (Իտալիա)
3. Վիկտորիա Իսաևա (Ուկրաինա) և Նատալիա Յակուբովիչ (Լեհաստան)

9-րդ տեղ՝ Արփինե Մնացականյան (Հայաստան)

58 կգ — 7 մասնակից

1. Օլեսյա Ժուրավլյովա (Ռուսաստան)
2. Էմմա Ռոզինի (Իտալիա)
3. Դարյա Բրզոզովսկա (Լեհաստան)

6-րդ տեղ՝ Լիլիթ Դանիելյան (Հայաստան)

64 կգ — 6 մասնակից

1. Ալսու Յանշինա (Ռուսաստան)
2. Լյուդմիլա Ցալայ (Ուկրաինա)
3. Ռալուկա Ռոսկա (Իտալիա)

71 կգ — 6 մասնակից

1. Մարտինա Կապուսցինկովա (Լեհաստան)
2. Սնեժանա Մորար (Ուկրաինա)
3. Աննա Ռեմնևա (Ռուսաստան)

90 կգ — 5 մասնակից

1. Յուստինա Սիտկո (Լեհաստան)
2. Մայա Սալամոն (Լեհաստան)
3. Վլադա Բոյախչիևա (Ռուսաստան)

Կանանց թիմային հաշվարկ

1. Լեհաստան — 89 միավոր
2. Ռուսաստան — 88
3. Իտալիա — 74
4. Ուկրաինա — 55
5. Իսպանիա — 25
6. Գերմանիա — 22
7. Հայաստան — 13

Մայիսի 28-ին Երևանում կմեկնարկի UWW-ի հովանու ներքո անցկացվող պանկրատիոնի և սիրողական MMA-ի Եվրոպայի առաջնությունը։