«Ինտերը» հաղթեց «Ջենոային». Մխիթարյանը մասնակցեց հանդիպմանը

Միլանի «Ինտերը» Ա Սերիայի 26-րդ տուրում 1:0 հաշվով հաղթեց «Ջենոային» և ժամանակավորապես գլխավորեց մրցաշարային աղյուսակը։

Միակ գոլը 78-րդ րոպեին խփեց Լաուտարո Մարտինեսը։

Այս հաղթանակի շնորհիվ «Ինտերը» բարձրացավ առաջին տեղ՝ մեկ միավորով առաջ անցնելով «Նապոլիից»։ Սակայն նեապոլիտանցիները մեկ խաղ պակաս ունեն և կիրակի օրը կհանդիպեն «Կոմոյի» հետ։

Հենրիխ Մխիթարյանը մեկնարկային կազմում էր և անցկացրեց դաշտում 65 րոպե։

Մխիթարյանի վիճակագրությունը «Ջենոայի» դեմ խաղում

• Խաղային րոպեներ – 65
• Ճշգրիտ փոխանցումներ – 44 (92%)
• Բացահայտող փոխանցումներ – 1
• Երկար փոխանցումներ – 2/4
• Հարվածներ – 1
• Հաղթած մենապայքարներ – 2/5
• Օդային մենապայքարներ – 1/1
• Գնդակի կորուստներ – 8
• Կատարված խախտումներ – 2
• Վաստակած խախտումներ – 1
• Գնդակի հեռացումներ – 1
• Խլումներ – 1
• SofaScore գնահատական – 6.9