Սերոբյանի գոլից հետո էլ Հայաստանը ընդմիջման գնաց՝ զիջելով Չեռնոգորիային

Հայաստանի հավաքականը ՈՒԵՖԱ-ի Ազգերի լիգայի երկրորդ տուրի խաղի առաջին խաղակեսից հետո Չեռնոգորիային զիջում է 1:2 հաշվով։ Արթուր Սերոբյանը խփեց իր երկրորդ գոլը ազգային թիմում, սակայն հյուրերը հասցրին կրկին առաջ անցնել։

20-րդ րոպեին Չեռնոգորիան բացեց հաշիվը․ տուգանային հրապարակում տեղի ունեցած դրվագում Էրիկ Փիլոյանը մեջքով գնդակն ուղարկեց սեփական դարպասը։ Հայաստանը պատասխանեց 34-րդ րոպեին․ Սերոբյանը հավասարեցրեց հաշիվը դարպասապահ Օգնյեն Չանչարևիչի գոլային փոխանցումից հետո։ Դա Արթուրի երկրորդ գոլն էր հավաքականում անցկացրած 30 խաղում։

Հավասարությունը երկար չպահպանվեց։ Արդեն 38-րդ րոպեին Նիկոլա Կրստովիչը հեռահար հարվածով կրկին առաջ մղեց Չեռնոգորիային։

Առաջին խաղակեսում շատ էին մենապայքարները, խախտումներն ու ոչ ճշգրիտ փոխանցումները։ Հայաստանի պաշտպանները միշտ չէ, որ հասցնում էին մրցակիցների հետևից, իսկ Չեռնոգորիան խաղի ընթացքում սկսեց ավելի հաճախ վտանգ ստեղծել հակագրոհներով։ Միևնույն ժամանակ հյուրերն էլ սխալներ էին թույլ տալիս սեփական դարպասի մոտ։ Երկրորդ խաղակեսից առաջ պայքարը դեռ բաց է՝ 1:2։

Հայաստան — Չեռնոգորիա՝ 1:2 (ընդմիջում)
Գոլեր՝ Սերոբյան, 34 — Փիլոյան, 20 (ինքնագոլ), Կրստովիչ, 38։

ՍԵՐՈԲՅԱՆԻ ԳՈԼԻ ՏԵՍԱՆՅՈՒԹԸ