Էլիդա Քոչարյանը Հայաստանին պարգևեց բռնցքամարտի Եվրոպայի առաջնության առաջին մեդալը
- Հեղինակ: Vahe Hakobyan
- Sportaran
Մինչև 65 կգ քաշային կարգում հանդես եկող հայ բռնցքամարտիկ Էլիդա Քոչարյանը Հայաստանի հավաքականի համար ապահովեց առաջին մեդալը Սոֆիայում ընթացող 2026 թվականի Եվրոպայի առաջնությունում։
Քառորդ եզրափակիչ մենամարտում Քոչարյանը ժամանակից շուտ հաղթեց Ռումինիայի ներկայացուցիչ Անդրա Նիկոլետային։ Մենամարտը դադարեցվեց երկրորդ ռաունդում։
Հայ մարզուհու համար սա արդեն երրորդ հաղթանակն էր մրցաշարում և երկրորդը՝ ժամանակից շուտ։ Ավելի վաղ Քոչարյանը հաղթել էր Իսպանիայի և Ալբանիայի ներկայացուցիչներին։
Կիսաեզրափակիչ դուրս գալով՝ Հայաստանի ներկայացուցիչն ապահովեց առնվազն բրոնզե մեդալ։ Եզրափակիչի ուղեգրի համար Քոչարյանը կմրցի ռուսաստանցի Ազալիա Ամինևայի հետ։ Կիսաեզրափակիչ մենամարտը կկայանա սեպտեմբերի 23-ին։
Այսօր Եվրոպայի առաջնության քառորդ եզրափակիչում հանդես կգան նաև Հայաստանի հավաքականի ևս երկու ներկայացուցիչներ՝ Դավիթ Չալոյանը և Ռուդոլֆ Գարբոյանը։