Էդմեն Շահբազյանը հաղթեց Բրունո Ֆերեյրային UFC 331-ում
- Հեղինակ: Vahe Hakobyan
- Sportaran
Հայազգի մարտիկ Էդմեն Շահբազյանը (17-6) հաղթանակ տարավ UFC 331 մրցաշարում, որն անցկացվում է Լոս Անջելեսում՝ սեպտեմբերի 19-ի լույս 20-ի գիշերը։
Միջին քաշային կարգի մենամարտում Շահբազյանը հանդիպեց բրազիլացի Բրունո Ֆերեյրայի (15-5) հետ և հաղթեց մրցավարների միաձայն որոշմամբ։
Բոլոր երեք մրցավարները հաղթանակը շնորհեցին Էդմենին՝ 29-28, 29-28 և 30-27 հաշվով։
Շահբազյանը տակտիկական առումով գրագետ մենամարտ անցկացրեց։ Նա ճիշտ բաշխեց ուժերը ողջ մենամարտի ընթացքում, Ֆերեյրային թույլ չտվեց իրեն հարմար տեմպ պարտադրել և հատկապես ակտիվ գործեց մենամարտի եզրափակիչ հատվածում։ Հենց վստահ աշխատանքը վերջին րոպեներին օգնեց Էդմենին վերջնականապես ամրապնդել առավելությունը մրցավարների քարտերում։
Արդյունքի հրապարակումից հետո Շահբազյանը դիմեց երկրպագուներին և առանձին շնորհակալություն հայտնեց հայ հանդիսատեսին աջակցության համար։ Մարտիկը նաև նշեց, որ այս հաղթանակն իր համար առանձնահատուկ նշանակություն ունի, քանի որ այն գրանցվել է Լոս Անջելեսում, որտեղ նա մեծ աջակցություն ստացավ տեղի հայկական համայնքից։
Այսպիսով, Շահբազյանն իր պրոֆեսիոնալ ռեկորդին ավելացրեց ևս մեկ հաղթանակ․ այժմ նրա հաշվին կա 17 հաղթանակ և 6 պարտություն (10-6 UFC-ում)։
UFC 331-ի համագլխավոր մենամարտում Արման Ծառուկյանը կմրցի բրազիլացի Մաուրիսիու Ռուֆիի հետ։