Էդմեն Շահբազյանն ու Բրենդան Ալենը հաջողությամբ անցել են կշռման արարողությունը UFC Vegas 118-ից առաջ

UFC-ի հայ մարտիկ Էդմեն Շահբազյանը հաջողությամբ անցել է պաշտոնական կշռման արարողությունը UFC Fight Night: Muhammad vs Bonfim մրցաշարից առաջ, որը կկայանա հունիսի 6-ին Լաս Վեգասում՝ UFC Apex արենայում։

Շահբազյանը կշռման ժամանակ ցույց է տվել 186 ֆունտ և տեղավորվել միջին քաշային կարգի սահմանաչափի մեջ։ Նրա մրցակիցը՝ UFC-ի միջին քաշային կարգի վարկանիշի 4-րդ համար Բրենդան Ալենը, նույնպես հաջողությամբ անցել է կշռումը՝ ցույց տալով 185,5 ֆունտ։

Կշռումից հետո մարտիկներն անցկացրել են եզրափակիչ հայացքների մենամարտը։ Շահբազյանի համար առաջիկա մենամարտը կարիերայի ամենակարևորներից մեկն է լինելու. հայ մարտիկը հնարավորություն կստանա հաղթել դիվիզիոնի թոփ-5-ի ներկայացուցչին և զգալիորեն բարելավել իր դիրքերը UFC-ի միջին քաշային կարգում։

26-ամյա Էդմեն Շահբազյանի հաշվին պրոֆեսիոնալ կարիերայում կա 16 հաղթանակ և 5 պարտություն։ Բրենդան Ալենը մենամարտին մոտենում է 26-7 ցուցանիշով և դիվիզիոնի ուժեղագույն մարտիկներից մեկի կարգավիճակով։

UFC Fight Night: Muhammad vs Bonfim մրցաշարի գլխավոր մենամարտում կկայանա կիսամիջին քաշային կարգի դիմակայություն UFC-ի նախկին չեմպիոն Բելալ Մուհամմադի և Գաբրիել Բոնֆիմի միջև։ Մուհամմադը կշռման ժամանակ ցույց է տվել 170,5 ֆունտ, Բոնֆիմը՝ նույնպես 170,5 ֆունտ։

Ալեն — Շահբազյան մենամարտը կանցկացվի մրցաշարի հիմնական քարտում։ Երեկոյի գլխավոր մենամարտը նախատեսված է հինգ ռաունդով, իսկ մյուս մենամարտերը՝ երեք ռաունդով։

UFC Fight Night: Muhammad vs Bonfim մրցաշարի կշռման արդյունքները

Հիմնական քարտ

Կիսամիջին քաշային կարգ. Բելալ Մուհամմադ՝ 170,5 ֆունտ / Գաբրիել Բոնֆիմ՝ 170,5 ֆունտ

Միջին քաշային կարգ. Բրենդան Ալեն՝ 185,5 ֆունտ / Էդմեն Շահբազյան՝ 186 ֆունտ

Թեթև քաշային կարգ. Ֆարես Զիամ՝ 156 ֆունտ / Թոմ Նոլան՝ 155 ֆունտ

Թեթևագույն քաշային կարգ. Բրայս Միտչել՝ 135,5 ֆունտ / Սանտյագո Լունա՝ 136 ֆունտ

Կիսածանր քաշային կարգ. Իվո Բարանևսկի՝ 206 ֆունտ / Ջունիոր Տաֆա՝ 206 ֆունտ

Նախնական քարտ

Պայմանավորված քաշ՝ մինչև 130 ֆունտ. Մեթ Շնել՝ 129,5 ֆունտ / Ալեսանդրո Կոստա՝ 129,5 ֆունտ

Թեթևագույն քաշային կարգ. Մարկուս Մաքգի՝ 136 ֆունտ / Ջոն Յանիս՝ 136 ֆունտ

Ամենաթեթև քաշային կարգ. Բրունո Սիլվա՝ 126 ֆունտ / Էդգար Չայրես՝ 126 ֆունտ

Կանանց թեթևագույն քաշային կարգ. Պրիսցիլա Կաշոեյրա՝ 135,5 ֆունտ / Չելսի Չենդլեր՝ 135 ֆունտ

Կիսաթեթև քաշային կարգ. Ջորդան Լիվիթ՝ 145,5 ֆունտ / Ժոանդերսոն Բրիտո՝ 145,5 ֆունտ

Կանանց ամենաթեթև քաշային կարգ. Ժեյսլա Չավես՝ 124 ֆունտ / Յունեյսի Դուբեն՝ 125 ֆունտ

Կանանց նվազագույն քաշային կարգ. Կետլեն Սոուզա՝ 116 ֆունտ / Արիանե Կարնելոսի՝ 116 ֆունտ

UFC Vegas 118 մրցաշարը կկայանա հունիսի 6-ին Լաս Վեգասում։ Նախնական քարտը կմեկնարկի ԱՄՆ արևելյան ժամանակով 17:00-ին, իսկ հիմնական քարտը՝ 20:00-ին։