Դավիդ Դավիդյանը տեղափոխվել է Տուլայի «Արսենալ»
- Հեղինակ: Vahe Hakobyan
- Sportaran
Հայաստանի ազգային հավաքականի կիսապաշտպան Դավիդ Դավիդյանը կարիերան կշարունակի Տուլայի «Արսենալում»։ 28-ամյա ֆուտբոլիստի՝ Վոլգոգրադի «Ռոտորից» տեղափոխության մասին հայտարարվել է պաշտոնապես։
Դավիդյանի նոր թիմը նույնպես հանդես է գալիս Ռուսաստանի Առաջին լիգայում։ Տուլայի ակումբի գլխավոր մարզիչը Դմիտրի Գունկոն է։
Անցած մրցաշրջանում Դավիդյանը «Ռոտորի» կազմում աչքի ընկնող ֆուտբոլիստներից մեկն էր։ Հայ կիսապաշտպանը 27 խաղում դարձել է 5 գոլի և 3 գոլային փոխանցման հեղինակ։ Վոլգոգրադյան թիմը պայքարում էր ՌՊԼ դուրս գալու համար, սակայն անցումային խաղերում զիջեց «Ակրոնին»։
Նշենք, որ Դավիդյանը վերջերս վերադարձել է Հայաստանի ազգային հավաքական։ Կիսապաշտպանը հրավիրվել է ազգային թիմի հունիսյան ընկերական հանդիպումներին՝ Ղազախստանի և Մոլդովայի դեմ։
Հայաստանի հավաքականը հունիսի 6-ին կմրցի Ղազախստանի, իսկ հունիսի 9-ին՝ Մոլդովայի հետ։ Երկու հանդիպումներն էլ կկայանան Երևանում։