Դավիթ Չալոյանը Չեխիայում ընթացող Եվրոպայի գավաթի Գրան պրիում ապահովել է առնվազն բրոնզե մեդալ
- Հեղինակ: Vahe Hakobyan
- Sportaran
Հայ բռնցքամարտիկ Դավիթ Չալոյանը (+90 կգ) Չեխիայում ընթացող Եվրոպայի գավաթի Գրան պրիում ապահովել է առնվազն բրոնզե մեդալ։
Աշխարհի առաջնության բրոնզե մեդալակիրը վստահորեն դուրս է եկել մրցաշարի կիսաեզրափակիչ։ Քառորդ եզրափակիչ մենամարտում Չալոյանը հաղթել է Գերմանիայի ներկայացուցիչ Դելիլ Յազգանին։
Հայ բռնցքամարտիկը նկատելի առավելություն ուներ բոլոր ռաունդներում և հաղթանակ է տարել մրցավարների միաձայն որոշմամբ։ Այս հաջողության շնորհիվ Չալոյանն ապահովել է իր տեղը պատվո հարթակում և կշարունակի պայքարը եզրափակիչ դուրս գալու համար։
Կիսաեզրափակիչում Դավիթ Չալոյանը կմրցի Անգլիայի ներկայացուցիչ Աչուշին Քլինթոնի հետ։ Քառորդ եզրափակիչում բրիտանացի բռնցքամարտիկը հաղթել էր Փարիզի Օլիմպիական խաղերի մրցանակակիր Աբոուդո Ջամիլիին։
Հայաստանի մեկ այլ ներկայացուցիչ՝ մինչև 70 կգ քաշային կարգում հանդես եկող Արարատ Հարությունյանը, պայքարն ավարտել է քառորդ եզրափակիչում։ Նա պարտվել է Ավստրիայի ներկայացուցիչ Արսեն Չաբյանին։