Ըմբշամարտի աշխարհի 2026 թվականի առաջնությունը Բահրեյնից տեղափոխվել է Ղազախստան
- Հեղինակ: Vahe Hakobyan
- Sportaran
Ըմբշամարտի տղամարդկանց և կանանց աշխարհի 2026 թվականի առաջնությունները կանցկացվեն ոչ թե Բահրեյնում, այլ Ղազախստանի մայրաքաղաք Աստանայում։ Մրցաշարի անցկացման ժամկետները մնացել են անփոփոխ․ առաջնությունը տեղի կունենա հոկտեմբերի 24-ից նոյեմբերի 1-ը։
Մրցավայրի փոփոխության որոշումը կայացվել է աշխարհում ստեղծված լարված աշխարհաքաղաքական իրավիճակի և Մերձավոր Արևելքում առկա ռազմական դրության ֆոնին։ Այդ պատճառով կազմակերպիչները փոխել են առաջնության անցկացման վայրը՝ պահպանելով նախապես հաստատված ժամկետները։
Աստանան երկրորդ անգամ կընդունի ըմբշամարտի աշխարհի առաջնությունը։ Ղազախստանի մայրաքաղաքը նախորդ անգամ աշխարհի առաջնության հյուրընկալն էր 2019 թվականին։ Այդ ժամանակ մրցաշարին մասնակցել էր շուրջ 1000 ըմբիշ, ինչի շնորհիվ այն դարձավ վերջին տարիների ամենամարդաշատ աշխարհի առաջնություններից մեկը։
2026 թվականի մրցումները կանցկացվեն «Բարիս Արենայում», որի տարողությունը կազմում է 11 570 հանդիսական։ Արենան Ղազախստանի խոշորագույն մարզական կառույցներից մեկն է և արդեն հյուրընկալել է միջազգային խոշոր մրցաշարեր։
Հիշեցնենք, որ ավելի վաղ հայտնի էր դարձել նաև, որ ըմբշամարտի աշխարհի 2027 թվականի առաջնությունը կանցկացվի Լաս Վեգասում։
Քննարկեք նորությունները!
Անցնել մեկնաբանություններին ↓
Comments
0