Արթուր Ղարիբյանը Հայաստանի հավաքականում նորամուտի խաղում գոլ խփեց առաջին իսկ հարվածով
Ֆուտբոլ
- Հեղինակ: Vahe Hakobyan
- Sportaran
Արթուր Ղարիբյանը գոլի հեղինակ դարձավ Հայաստանի հավաքականում իր առաջին խաղում։ Հարձակվողը փոխարինման դուրս եկավ Լատվիայի դեմ Ազգերի լիգայի հանդիպմանը և Երևանի Հանրապետական մարզադաշտում կատարած առաջին իսկ հարվածով գոլ խփեց։
Գոլային փոխանցումը կատարեց Ժիրայր Շաղոյանը, որը նույնպես խաղը սկսել էր պահեստայինների նստարանին։ Այսպիսով, արդյունավետ գրոհը կազմակերպեցին Եղիշե Մելիքյանի՝ խաղի ընթացքում դաշտ դուրս բերած երկու ֆուտբոլիստները։
Հանդիպումից առաջ Ղարիբյանն ասել էր, որ ցանկանում է գոլ խփել Լատվիային։ Ազգային հավաքականում իր նորամուտի խաղում նա կատարեց իր խոստումը։ Հանդիպումը շարունակվում է։
Հայաստանը հաղթում է 2:0 հաշվով։ Առաջին խաղակեսում գոլ էր խփել Գեորգի Հարությունյանը․ նրա համար ևս դա առաջին գոլն էր Հայաստանի հավաքականի կազմում։
Անձ:
Արթուր Ղարիբյան