Արթուր Դավթյանը հաղթել է 2026 թվականի սպորտային մարմնամարզության աշխարհի գավաթի փուլում Կահիրեում
- Հեղինակ: Vahe Hakobyan
- Sportaran
Հայ մարմնամարզիկ Արթուր Դավթյանը դարձել է 2026 թվականի սպորտային մարմնամարզության աշխարհի գավաթի Կահիրեի փուլում հաղթողը։
Հենացատկի եզրափակչում Դավթյանը զբաղեցրել է առաջին տեղը՝ հավաքելով 14.666 միավոր։ Սա նրա առաջին ելույթն էր այս մրցաձևում ընթացիկ մրցաշրջանում․ ավելի վաղ Կոտբուսի փուլում նա հանդես էր եկել միայն օղակների վարժությունում։ Կահիրեում մարզիկը մասնակցել է երկու վարժությունների՝ օղակներում նույնպես գրավելով 4-րդ տեղը։
Հենացատկի արդյունքները․
- Արթուր Դավթյան (Հայաստան) — 14.666
- Ասսան Սալիմով (Ղազախստան) — 14.083
- Յոնաս Դանեկ (Չեխիա) — 14.016
Հայաստանի հավաքականը Կահիրեի փուլն ավարտել է երեք մեդալով՝ երկու ոսկե և մեկ արծաթե։ Ավելի վաղ Համլետ Մանուկյանը ոսկե մեդալ էր նվաճել նժույգթռիչքում, իսկ Արթուր Ավետիսյանը դարձել էր օղակների վարժության արծաթե մեդալակիր։
Աշխարհի գավաթի հաջորդ փուլը կանցկացվի Օսիեկում (Խորվաթիա) ապրիլի 9-12-ը, որտեղ հայ մարմնամարզիկները նույնպես կմասնակցեն։
Քննարկեք նորությունները!
Անցնել մեկնաբանություններին ↓
Comments
2