Հայկական ակումբները շնորհավորել են «Նոային» Կոնֆերենցիաների լիգայի փլեյ-օֆֆ պատմական ուղեգրի կապակցությամբ

Հայաստանի առաջնության ակումբները՝ «Ուրարտուն», «Փյունիկը», «Ալաշկերտը» և ԲԿՄԱ-ն, շնորհավորել են «Նոային» ՈՒԵՖԱ-ի Կոնֆերենցիաների լիգայի փլեյ-օֆֆ փուլ դուրս գալու գրեթե երաշխավորված հնարավորության կապակցությամբ։

«Շնորհավորում ենք «Նոային» Վարշավայի «Լեգիայի» նկատմամբ կամային հաղթանակի և մրցաշարի փլեյ-օֆֆ փուլում գրեթե ապահովված մասնակցության կապակցությամբ», — գրել է «Փյունիկը» իր սոցիալական էջերում։

«Շնորհավորում ենք «Նոային» Վարշավայի «Լեգիայի» նկատմամբ Կոնֆերենցիաների լիգայում տարած հաղթանակի կապակցությամբ, որը փաստացի ապահովում է ակումբի մասնակցությունը փլեյ-օֆֆ փուլին», — գրել է «Ուրարտուն»։

«Շնորհավորում ենք FC Noah-ին այս կարևոր հաղթանակի կապակցությամբ», — գրել է ԲԿՄԱ-ն։

Իսկ «Ալաշկերտ» ֆուտբոլային ակումբը շնորհավորել է թիմին՝ հրապարակելով սթորի։

Լեհական «Լեգիայի» նկատմամբ 5-րդ տուրի խաղում 2:1 հաշվով հաղթանակից հետո հայկական ակումբի փլեյ-օֆֆ դուրս գալու հավանականությունը գնահատվում է 99,9%։ Այսպիսով, «Նոան» շատ մոտ է նրան, որպեսզի հայկական ֆուտբոլի պատմության մեջ առաջին անգամ խաղա եվրոպական մրցաշարի փլեյ-օֆֆ փուլում։

Հինգ տուրից հետո «Նոան» ունի 8 միավոր և զբաղեցնում է ընդհանուր մրցաշարային աղյուսակի 17-րդ հորիզոնականը, ինչը գրեթե երաշխավորում է տեղը լավագույն 24-ում և Կոնֆերենցիաների լիգայի 1/16 եզրափակիչ դուրս գալը։

Վերջին տուրում՝ դեկտեմբերի 18-ին, «Նոան» արտագնա խաղում կհանդիպի Կիևի «Դինամոյին»։ Խաղը կկայանա չեզոք դաշտում՝ Լյուբլինում (Լեհաստան)։ Հաղթանակի դեպքում հայկական ակումբը կարող է բարելավել իր դիրքը մրցաշարային աղյուսակում և ստանալ ավելի հարմար մրցակից 1/16 եզրափակիչ փուլում։ Նշենք, որ «Դինամո Կիևը» արդեն կորցրել է փլեյ-օֆֆ դուրս գալու շանսերը՝ ունենալով ընդամենը 3 միավոր։