Հայաստանը 4 մեդալ է նվաճել հունահռոմեական ըմբշամարտի Եվրոպայի U15 առաջնությունում

Մայիսի 22-ին Բուլղարիայի Սամոկով քաղաքում ավարտվեց հունահռոմեական ըմբշամարտի 2026 թվականի Եվրոպայի U15 առաջնությունը։ Հայաստանի հավաքականը մրցաշարին մասնակցեց ամբողջական կազմով՝ 10 մարզիկով, և նվաճեց 4 մեդալ՝ 1 արծաթե և 3 բրոնզե։

Եվրոպայի առաջնության արծաթե մեդալակիր դարձավ Պաշա Խուդոյանը՝ մինչև 44 կգ քաշային կարգում։ Հայաստանի հավաքականի կազմում բրոնզե մեդալներ նվաճեցին Սևակ Մանուկյանը՝ մինչև 41 կգ, Միհրան Տատոյանը՝ մինչև 48 կգ, և Ալեքս Գևորգյանը՝ մինչև 62 կգ քաշային կարգերում։

Բացի այդ, մրցաշարում աչքի ընկավ նաև հայազգի ըմբիշ Լևոն Բարդեղյանը, որը հանդես էր գալիս Վրաստանի հավաքականի կազմում և դարձավ Եվրոպայի չեմպիոն մինչև 75 կգ քաշային կարգում։

Թիմային հաշվարկում առաջին տեղը զբաղեցրեց Ռուսաստանի հավաքականը, որը նվաճեց 4 ոսկե և 3 բրոնզե մեդալ։ Հայաստանը վաստակեց 87 միավոր և զբաղեցրեց 5-րդ տեղը։ Համեմատության համար՝ նախորդ տարի հայ պատանիները ավելի բարձր արդյունք էին ցույց տվել՝ դառնալով երկրորդը թիմային հաշվարկում։

Հունահռոմեական ըմբշամարտի Եվրոպայի U15 առաջնության բոլոր արդյունքները

Մինչև 38 կգ

1. Հուսեյն Ամրահլի (Ադրբեջան)
2. Դանիել Սամուել (Էստոնիա)
3. Էրվին Սուֆյանով (Ռուսաստան) և Լևանի Տոտիկաշվիլի (Վրաստան)

13-րդ տեղ՝ Գոռ Կարապետյան (Հայաստան)

Մինչև 41 կգ

1. Դմիտրի Տելպիզ (Ռուսաստան)
2. Օգնյան Բուրգազով (Բուլղարիա)
3. Գլեբ Սեմիանենկո (Բելառուս) և Սևակ Մանուկյան (Հայաստան)

Մինչև 44 կգ

1. Պաշա Ասլան (Ադրբեջան)
2. Պաշա Խուդոյան (Հայաստան)
3. Ռուսլան Դիկինով (Ռուսաստան) և Լուկա Սագինաձե (Վրաստան)

Մինչև 48 կգ

1. Ֆելիքս Տուաև (Ռուսաստան)
2. Դավիդե Սերվեդիո (Իտալիա)
3. Ռոբարտ Դիմիտրով (Բուլղարիա) և Միհրան Տատոյան (Հայաստան)

Մինչև 52 կգ

1. Դմիտրի Դերյաբին (Ռուսաստան)
2. Կամեն Գորանով (Բուլղարիա)
3. Ալբերտ Ֆուզի (Ռումինիա) և Մուհամմեդ Օզեն (Թուրքիա)

5-րդ տեղ՝ Վարդան Սահակյան (Հայաստան)

Մինչև 57 կգ

1. Ռայբեկ Մուչուրաև (Ռուսաստան)
2. Դիմիտրիոս Խաձիկոնստանտինով (Հունաստան)
3. Գիորգի Վաշակմաձե (Վրաստան) և Օլաֆ Նովիցկի (Լեհաստան)

16-րդ տեղ՝ Արայիկ Խեմչյան (Հայաստան)

Մինչև 62 կգ

1. Հիքմեթ Ինան (Թուրքիա)
2. Գաբրիել Թավբերիձե (Վրաստան)
3. Լեոն Բրոձինսկի (Լեհաստան) և Ալեքս Գևորգյան (Հայաստան)

Մինչև 68 կգ

1. Նիկոլոզ Կուտուբիձե (Վրաստան)
2. Արթուր Թումանով (Բելառուս)
3. Ռուստամ Նեխայ (Ռուսաստան) և Համզա Օզդեն (Թուրքիա)

5-րդ տեղ՝ Պավել Նազարյան (Հայաստան)

Մինչև 75 կգ

1. Լևոն Բարդեղյան (Վրաստան)
2. Արտտուրի Կոխտալա (Ֆինլանդիա)
3. Օրհան Թասչի (Թուրքիա) և Դավիդ Խաբի (Սերբիա)

12-րդ տեղ՝ Արման Գինոսյան (Հայաստան)

Մինչև 85 կգ

1. Քերեմ Ուզուն (Թուրքիա)
2. Ալեսանդրո Բուրիչ (Ուկրաինա)
3. Ռոկաս Կրիզինաուսկաս (Լիտվա) և Նիկոլա Օսիպով (Բելառուս)

10-րդ տեղ՝ Արման Թովմասյան (Հայաստան)

Թիմային հաշվարկ

1. Ռուսաստան — 159 միավոր
2. Վրաստան — 129
3. Թուրքիա — 127
4. Ադրբեջան — 94
5. Հայաստան — 87

Սամոկովում մրցաշարը շարունակվում է կանանց և ազատ ոճի ըմբշամարտի մրցումներով։ Եվրոպայի U15 առաջնությունը կավարտվի մայիսի 24-ին։