Հայաստանը հաղթել է Եվրոպայի Մ20 առաջնությունում անցկացրած 67 գոտեմարտերից 44-ում․ ամբողջական հաշվեկշիռը բոլոր երկրների դեմ
Narek Nikoghosyan / UWW
- Հեղինակ: Vahe Hakobyan
- Sportaran
Հայաստանի ազատ և հունահռոմեական ոճի ըմբիշները Սկոպյեում կայացած 2026 թվականի Եվրոպայի Մ20 առաջնությունում ընդհանուր առմամբ անցկացրել են 67 գոտեմարտ։ Հայաստանի ներկայացուցիչները տարել են 44 հաղթանակ և կրել 23 պարտություն։ Հաղթանակների տոկոսը կազմել է 65,67%։
Հայաստանը մրցաշարն ավարտել է երկու թիմային մրցանակով։ Հունահռոմեական ոճի հավաքականը թիմային հաշվարկում զբաղեցրել է երկրորդ տեղը, իսկ ազատ ոճի հավաքականը դարձել է բրոնզե մեդալակիր։
Հայ ըմբիշներն ընդհանուր առմամբ նվաճել են տասը մեդալ՝ մեկ ոսկե, չորս արծաթե և հինգ բրոնզե։ Հայաստանի հավաքականի միակ Եվրոպայի չեմպիոնը դարձել է Սամվել Տերտերյանը, որը հաղթել է հունահռոմեական ոճի մինչև 77 կգ քաշային կարգում։
Սամվելը մրցաշարն անցկացրել է գերիշխող ոճով՝ տանելով չորս հաղթանակ՝ 30։0 ընդհանուր հաշվով։
Հայաստանի ազատ ոճի ըմբիշների արդյունքները
| Քաշային կարգ | Մարզիկ | Արդյունք |
|---|---|---|
| Մինչև 57 կգ | Սաշա Պետրոսյան | 3-րդ տեղ |
| Մինչև 61 կգ | Գագիկ Ղազարյան | 3-րդ տեղ |
| Մինչև 65 կգ | Արեն Հայրապետյան | 2-րդ տեղ |
| Մինչև 70 կգ | Դավիթ Դավթյան | 7-րդ տեղ |
| Մինչև 74 կգ | Վլադիմիր Ազարյան | 7-րդ տեղ |
| Մինչև 79 կգ | Նարեկ Նիկողոսյան | 3-րդ տեղ |
| Մինչև 86 կգ | Ռազմիկ Եփրեմյան | 2-րդ տեղ |
| Մինչև 92 կգ | Նարեկ Իկիլիկյան | 11-րդ տեղ |
| Մինչև 97 կգ | Հակոբ Հակոբյան | 8-րդ տեղ |
| Մինչև 125 կգ | Հենրիկ Հայկյան | 3-րդ տեղ |
Ազատ ոճի ըմբշամարտում Հայաստանի տասը ներկայացուցիչներից վեցը բարձրացել են պատվո հարթակ։ Եվս երեք մարզիկ իրենց քաշային կարգերում տեղ են զբաղեցրել լավագույն ութնյակում։
Հայաստանի հունահռոմեական ոճի ըմբիշների արդյունքները
| Քաշային կարգ | Մարզիկ | Արդյունք |
| Մինչև 57 կգ | Էդգար Պետրոսյան | 2-րդ տեղ |
| Մինչև 60 կգ | Մարատ Աճեմյան | 7-րդ տեղ |
| Մինչև 63 կգ | Ալեքս Մարգարյան | 2-րդ տեղ |
| Մինչև 67 կգ | Յուրիկ Մխիթարյան | 5-րդ տեղ |
| Մինչև 72 կգ | Նարեկ Գրիգորյան | 5-րդ տեղ |
| Մինչև 77 կգ | Սամվել Տերտերյան | 1-ին տեղ |
| Մինչև 82 կգ | Վահե Հովհաննիսյան | 5-րդ տեղ |
| Մինչև 87 կգ | Յուրիկ Պետրոսյան | 3-րդ տեղ |
| Մինչև 97 կգ | Էրիկ Տեր-Մաթևոսյան | 17-րդ տեղ |
| Մինչև 130 կգ | Լևա Շուխյան | 7-րդ տեղ |
Հունահռոմեական ոճի չորս հայ ըմբիշներ դարձել են մեդալակիր, իսկ տասը մասնակիցներից յոթը մրցաշարն ավարտել են լավագույն յոթնյակում։
Ութ գոտեմարտ Ադրբեջանի դեմ և հավասար հաշիվ
Հայ ըմբիշներն ամենից հաճախ հանդիպել են Ադրբեջանի ներկայացուցիչների հետ։ Երկու հավաքականների մարզիկներն անցկացրել են ութ գոտեմարտ՝ տանելով չորսական հաղթանակ։
Հայ-ադրբեջանական երկու դիմակայություն կայացել է հունահռոմեական ոճի մրցաշարի եզրափակիչներում։
Սամվել Տերտերյանը մինչև 77 կգ քաշային կարգի վճռորոշ գոտեմարտում հաղթել է Ադրբեջանի ներկայացուցչին և դարձել մրցաշարի միակ հայ չեմպիոնը։ Էդգար Պետրոսյանը, հակառակը, մինչև 57 կգ քաշային կարգի եզրափակիչում պարտվել է ադրբեջանցի մրցակցին և նվաճել արծաթե մեդալ։
Հայաստանի հավաքականի ամենատպավորիչ հաղթանակներից մեկը գրանցվել է ազատ ոճի մրցումներում։ Մինչև 79 կգ քաշային կարգի բրոնզե մեդալի համար գոտեմարտում Նարեկ Նիկողոսյանը հանդիպել է Էլջան Իսմայիլզադեի հետ։
Առաջին մրցափուլից հետո հայ ըմբիշը պարտվում էր 2։10 հաշվով, սակայն կարողացել է երկու միավորանոց հնարք կատարել, ապա մրցակցին սեղմել գորգին։ Տուշեի շնորհիվ Նիկողոսյանը, չնայած հաշվի մեջ ունեցած մեծ տարբերությանը, վաղաժամ հաղթանակ է տարել և դարձել Եվրոպայի առաջնության բրոնզե մեդալակիր։ Գոտեմարտի տեսանյութը կարելի է դիտել այստեղ։
Դրական հաշվեկշիռ 16 երկրների դեմ
Սկոպյեում հայ ըմբիշները հանդիպել են 23 երկրի ներկայացուցիչների հետ։ 16 հավաքականների դեմ Հայաստանը մրցաշարն ավարտել է հաղթանակների և պարտությունների դրական հաշվեկշռով։
Հավասարություն է գրանցվել Ադրբեջանի և Լեհաստանի հետ դիմակայություններում։ Բացասական հաշվեկշիռ է ձևավորվել հինգ երկրի՝ Թուրքիայի, Ռուսաստանի, Ուկրաինայի, Ֆինլանդիայի և Նիդեռլանդների ներկայացուցիչների դեմ գոտեմարտերում։
Հայ ըմբիշները ոչ մի գոտեմարտում չեն պարտվել 11 երկրի՝ Հունգարիայի, Ռումինիայի, Ավստրիայի, Բելգիայի, Իսրայելի, Էստոնիայի, Իտալիայի, Բուլղարիայի, Պորտուգալիայի, Սերբիայի և Շվեդիայի ներկայացուցիչներին։ Այս դիմակայություններում Հայաստանը տարել է ընդհանուր առմամբ 20 հաղթանակ։
Ամենախոշոր «չոր» հաղթանակները գրանցվել են Ռումինիայի և Բուլղարիայի հավաքականների դեմ՝ 3։0 հաշվով։ Նշանակալի է եղել նաև Վրաստանի՝ 4։2, և Ֆրանսիայի՝ 3։1 դեմ դրական հաշվեկշիռը։
Հայաստանի համար ամենաբարդ մրցակիցը եղել է Թուրքիան․ մեկ հաղթանակ և չորս պարտություն։ Ռուսաստանի ներկայացուցիչների դեմ հայ ըմբիշները հաղթել են չորս գոտեմարտերից մեկում։
Հայաստանի վիճակագրությունը բոլոր երկրների դեմ Եվրոպայի Մ20 առաջնությունում
Վիճակագրությունը ներառում է Հայաստանի ազատ և հունահռոմեական ոճերի ըմբիշների արդյունքները։
Հայաստան — Հունգարիա՝ 3։0
Հայաստան — Ռումինիա՝ 3։0
Հայաստան — Բուլղարիա՝ 3։0
Հայաստան — Ավստրիա՝ 2։0
Հայաստան — Վրաստան՝ 4։2
Հայաստան — Հունաստան՝ 3։1
Հայաստան — Ֆրանսիա՝ 3։1
Հայաստան — Շվեդիա՝ 2։0
Հայաստան — Իսրայել՝ 2։0
Հայաստան — Էստոնիա՝ 2։0
Հայաստան — Բելգիա՝ 1։0
Հայաստան — Բելառուս՝ 3։2
Հայաստան — Սերբիա՝ 1։0
Հայաստան — Մոլդովա՝ 2։1
Հայաստան — Իտալիա՝ 1։0
Հայաստան — Պորտուգալիա՝ 1։0
Հայաստան — Ադրբեջան՝ 4։4
Հայաստան — Լեհաստան՝ 1։1
Հայաստան — Ուկրաինա՝ 1։2
Հայաստան — Ֆինլանդիա՝ 0։1
Հայաստան — Նիդեռլանդներ՝ 0։1
Հայաստան — Ռուսաստան՝ 1։3
Հայաստան — Թուրքիա՝ 1։4
Հայաստանի ելույթի ամփոփումը Եվրոպայի Մ20 առաջնությունում
Հայաստանի հավաքականը Սկոպյեում կայացած Եվրոպայի Մ20 առաջնությունն ավարտել է տասը անհատական և երկու թիմային մրցանակով։
Հայ ըմբիշները հաղթել են անցկացրած գոտեմարտերի գրեթե երկու երրորդում՝ 67-ից 44-ում։ Հունահռոմեական ոճի հավաքականը դարձել է Եվրոպայի փոխչեմպիոն, իսկ ազատ ոճի թիմը զբաղեցրել է երրորդ տեղը։
Չնայած մեդալների մեծ քանակին՝ միայն Սամվել Տերտերյանին է հաջողվել նվաճել ոսկե մեդալ։ Հայաստանի ևս ինը ներկայացուցիչներ բարձրացել են պատվո հարթակ, ինչի շնորհիվ երկու հավաքականներն էլ տեղ են զբաղեցրել Եվրոպայի երեք լավագույն թիմերի շ