«Արարատը» հաղթեց ԲԿՄԱ-ին և տարավ մրցաշրջանի առաջին հաղթանակը
- Հեղինակ: Vahe Hakobyan
- Sportaran
Երևանի «Արարատը» տարավ իր առաջին հաղթանակն ընթացիկ մրցաշրջանում՝ 2:1 հաշվով առավելության հասնելով ԲԿՄԱ-ի նկատմամբ։
«Արարատի» կազմում գոլերի հեղինակ դարձան Պետրոս Ալեքյանը և Պատրիկ Հանդզոնգոն։ ԲԿՄԱ-ի միակ գոլը խփեց Դավիթ Հարությունյանը՝ գեղեցիկ հարվածով իրացնելով տուգանայինը։
Երեք ֆուտբոլիստների համար էլ այս գոլերն առաջինն էին ընթացիկ մրցաշրջանում։ Ընդ որում, 20-ամյա Պետրոս Ալեքյանի համար այն առանձնահատուկ էր. նա առաջին անգամ գոլի հեղինակ դարձավ Հայաստանի բարձրագույն խմբում։
Ալեքյանը գրավեց իր նախկին թիմի դարպասը։ Գոլից հետո երիտասարդ ֆուտբոլիստը չտոնեց այն՝ հարգանք ցուցաբերելով ԲԿՄԱ-ի նկատմամբ, որի կազմում նախկինում հանդես էր եկել։
Հաղթանակի շնորհիվ «Արարատը» վաստակեց իր առաջին երեք միավորը մրցաշրջանում և բարելավեց դիրքը մրցաշարային աղյուսակում։ Երեք տուրից հետո երևանյան թիմը 3 միավորով զբաղեցնում է 9-րդ տեղը։
ԲԿՄԱ-ն իր հերթին երեք հանդիպումից հետո ունի 1 միավոր և գտնվում է 10-րդ հորիզոնականում։