«Արարատ-Արմենիան», «Փյունիկը» և «Նոան» նվաճել են Հայաստանի պատանեկան գավաթները

Հայաստանում հայտնի են դարձել 2025/26 մրցաշրջանի ֆուտբոլի Հայաստանի գավաթակիրները մի քանի պատանեկան տարիքային խմբերում։ Մրցանակները նվաճել են «Արարատ-Արմենիա-13», «Փյունիկ-12-2» և «Նոա-11» թիմերը։

«Արարատ-Արմենիա-13»-ը հաղթել է Հայաստանի մինչև 13 տարեկանների գավաթում

Մինչև 13 տարեկանների Հայաստանի գավաթի եզրափակիչը կայացել է Ձորաղբյուրի մարզահամալիրում։ Վճռորոշ խաղում հանդիպել են «Ակադեմիա-13-1»-ը և «Արարատ-Արմենիա-13»-ը։

Հիմնական ժամանակը ստացվել է գոլառատ և ավարտվել ոչ-ոքի՝ 2:2։ Թիմերը խփել են չորս գոլ, սակայն հաղթողին պարզել չեն կարողացել։ Գավաթի ճակատագիրը որոշվել է հետխաղյա 11-մետրանոցների շարքում, որտեղ ավելի դիպուկ են եղել «Արարատ-Արմենիա-13»-ի ֆուտբոլիստները՝ 4:3։

Հայաստանի մինչև 13 տարեկանների գավաթի եզրափակիչ
«Ակադեմիա-13-1» — «Արարատ-Արմենիա-13» — 2:2, 11-մետրանոցներով՝ 3:4
Մարզադաշտ: Ձորաղբյուր, մարզահամալիր
Գոլերը: Ալեքս Հարությունյան, 28, Նարեկ Շահինյան, 30, Աշոտ Մկրտչյան, 35+1, Աշոտ Վարոսյան, 35+3

«Փյունիկ-12-2»-ը դարձել է Հայաստանի մինչև 14 տարեկանների գավաթակիր

2025/26 մրցաշրջանի Հայաստանի մինչև 14 տարեկանների գավաթի եզրափակիչում միմյանց դեմ խաղացել են «Փյունիկ-12-2»-ը և «Ուրարտու-12-1»-ը։

Հանդիպման հիմնական ժամանակում գոլեր չեն գրանցվել՝ 0:0։ Ինչպես U13 եզրափակիչում, այս դեպքում ևս հաղթողը որոշվել է 11-մետրանոցների շարքում։ Ավելի վստահ են հարվածել «Փյունիկ-12-2»-ի ֆուտբոլիստները, որոնք հաղթել են շարքը 3:1 հաշվով և դարձել գավաթակիր։

Հայաստանի մինչև 14 տարեկանների գավաթի եզրափակիչ
«Փյունիկ-12-2» — «Ուրարտու-12-1» — 0:0, 11-մետրանոցներով՝ 3:1
Մարզադաշտ: Արմավիր, Ա. Տոնոյանի անվան քաղաքային մարզադաշտ
Մրցավար: Նարեկ Հակոբյան

«Նոա-11»-ը հաղթել է Հայաստանի մինչև 15 տարեկանների գավաթի եզրափակիչում

Ամենադրամատիկը ստացվել է Հայաստանի մինչև 15 տարեկանների գավաթի եզրափակիչը, որտեղ հանդիպել են «Սարդարապատ-11»-ը և «Նոա-11»-ը։

«Սարդարապատ-11»-ը հաշվի մեջ առաջ էր Մուշեղ Գալոյանի դուբլի շնորհիվ։ Նա աչքի է ընկել 7-րդ և 47-րդ րոպեներին։ Սակայն «Նոա-11»-ը կարողացել է երկրորդ խաղակեսում կամային վերադարձ կատարել։

Նախ Լեոնարդ Սարգսյանը 67-րդ րոպեին կրճատել է հաշվի տարբերությունը, ապա Ալեքսանդր Երանոսյանը 70-րդ րոպեին հավասարեցրել է հաշիվը։ Հաղթական գոլը խփվել է 76-րդ րոպեին․ Մանվել Հարությունյանը դիպուկ է իրացրել 11-մետրանոցը և «Նոա-11»-ին հաղթանակ պարգևել 3:2 հաշվով։

Հովհաննես Բարբարյանի գլխավորած թիմը դարձել է Հայաստանի մինչև 15 տարեկանների գավաթակիր։

Հայաստանի մինչև 15 տարեկանների գավաթի եզրափակիչ
«Սարդարապատ-11» — «Նոա-11» — 2:3
Մարզադաշտ: Արմավիր, Ա. Տոնոյանի անվան քաղաքային մարզադաշտ
Մրցավար: Դավիթ Մկրտչյան
Գոլերը: Մուշեղ Գալոյան, 7, 47 — Լեոնարդ Սարգսյան, 67, Ալեքսանդր Երանոսյան, 70, Մանվել Հարությունյան, 76՝ 11-մետրանոցից