«Ալաշկերտը» վստահ հաղթեց «Արարատին» և բարձրացավ թոփ-4

Fastex Պրեմիեր լիգայի 2025/26 մրցաշրջանի 21-րդ տուրի եզրափակիչ խաղում «Ալաշկերտը» սեփական հարկի տակ վստահ հաղթանակ տարավ «Արարատի» նկատմամբ՝ 2:0 հաշվով։

Հանդիպումը կայացավ Արմավիրի Հովհաննես Տոնոյանի անվան քաղաքային մարզադաշտում։ Տանտերերը առաջին իսկ րոպեներից տիրապետում էին նախաձեռնությանը և կարողացան իրենց առավելությունը վերածել գոլի առաջին խաղակեսի ավարտին․ 44-րդ րոպեին աչքի ընկավ Ռոբերտ Հակոբյանը։

Ընդմիջումից հետո «Ալաշկերտը» շարունակեց վերահսկել խաղի ընթացքը, իսկ 71-րդ րոպեին Կայո Էնրիկեն կրկնապատկեց իր թիմի առավելությունը՝ սահմանելով հանդիպման վերջնական հաշիվը՝ 2:0։

Այս հաղթանակի շնորհիվ «Ալաշկերտը» վաստակեց 39 միավոր և բարձրացավ մրցաշարային աղյուսակի առաջին քառյակ։ «Արարատը», ունենալով ընդամենը 6 միավոր, շարունակում է մնալ առաջնության վերջին հորիզոնականում։