«Ալ-Ահլին» հաղթեց «Ալ-Վասլին» Ասիայի Չեմպիոնների լիգայում․ Սպերցյանը հարվածեց դարպասաձողին

Սաուդյան Արաբիայի «Ալ-Ահլին» Ասիայի Չեմպիոնների լիգայի երկրորդ տուրում 3։1 հաշվով հաղթեց ԱՄԷ-ն ներկայացնող «Ալ-Վասլին»։ Հայաստանի ազգային հավաքականի կիսապաշտպան Էդուարդ Սպերցյանը հանդիպումը սկսեց հաղթողների մեկնարկային կազմում, սակայն գոլով կամ գոլային փոխանցմամբ աչքի չընկավ։

«Ալ-Ահլիի» կազմում գոլերի հեղինակ դարձան Տրինկաոն, Ռոժեր Իբանյեսը և Ֆիրաս Ալ-Բուրայկանը։ «Ալ-Վասլի» միակ գոլը խփեց պորտուգալացի պաշտպան Պեդրու Մալեյրուն։

Սպերցյանը խաղադաշտում անցկացրեց մոտ 68 րոպե և SofaScore-ից ստացավ 6,6 գնահատական։ Հայ կիսապաշտպանը երկու անգամ հարվածեց մրցակցի դարպասին, որոնցից մեկի դեպքում գնդակը դիպավ դարպասաձողին։

Բացի այդ, Սպերցյանը կատարեց մեկ առանցքային փոխանցում, սակայն այնքան էլ հաջող չգործեց մենապայքարներում՝ հաղթելով ութից միայն երկուսում։

Էդուարդ Սպերցյանի վիճակագրությունը «Ալ-Վասլի» դեմ խաղում

• SofaScore-ի գնահատականը՝ 6,6

• Հարվածներ՝ 2 (xG՝ 0,16)

• Դարպասաձողին դիպած հարվածներ՝ 1

• Առանցքային փոխանցումներ՝ 1 (xA՝ 0,08)

• Ճշգրիտ փոխանցումներ՝ 23 (77%)

• Գնդակի կորուստներ՝ 18

• Գնդակի խլումներ՝ 1

• Փոխանցումների ընդհատումներ՝ 1

• Գնդակի վերադարձներ՝ 4

• Հաղթած մենապայքարներ՝ 2-ը՝ 8-ից

Երկու տուրից հետո «Ալ-Ահլին» Ասիայի Չեմպիոնների լիգայում վաստակել է 4 միավոր և շարունակում է մրցաշարում հանդես գալ առանց պարտության։