Ադրիան Ռուսը բաց կթողնի «Արարատ-Արմենիայի» դեմ պատասխան հանդիպումը

«Ունիվերսիտատեա Կրայովայի» կենտրոնական պաշտպան Ադրիան Ռուսը չի կարողանա մասնակցել Եվրոպա լիգայի փլեյ-օֆֆ փուլի՝ «Արարատ-Արմենիայի» դեմ պատասխան հանդիպմանը։

Ռումինացի ֆուտբոլիստը վնասվածք է ստացել երկրի առաջնության՝ «Վոլունտարիի» դեմ խաղում, որում Կրայովան ներկայացնող թիմը հաղթել է 3:1 հաշվով։ Վնասվածքի պատճառով պաշտպանը խաղադաշտից դուրս կմնա մոտ մեկ ամիս։

Ռուսի բացակայությունը կարող է լուրջ խնդիր դառնալ ռումինական ակումբի համար։ Պաշտպանը եվրագավաթների ընթացիկ մրցաշրջանում մասնակցել է թիմի բոլոր հանդիպումներին՝ առանց փոխարինվելու, և կարևոր դեր է խաղում պաշտպանությունից հարձակման անցնելիս։ Երեք կենտրոնական պաշտպաններից հենց Ռուսն էր ամենից հաճախ սկսում թիմի գրոհները։ Բացի այդ, այս մրցաշրջանի եվրագավաթներում նա դարձել է մեկ գոլի և մեկ գոլային փոխանցման հեղինակ։

Սպասվում է, որ մեկնարկային կազմում Ռուսին կփոխարինի սերբ պաշտպան Նիկոլա Ստևանովիչը, որը մինչ այս հիմնականում խաղաժամանակ էր ստանում ներքին առաջնության հանդիպումներում։

Եվրոպա լիգայի փլեյ-օֆֆ փուլի՝ «Արարատ-Արմենիա» — «Ունիվերսիտատեա Կրայովա» պատասխան հանդիպումը կկայանա օգոստոսի 27-ին Երևանում և կմեկնարկի տեղական ժամանակով ժամը 20:00-ին։

Ռումինիայում կայացած առաջին հանդիպումն ավարտվել է ոչ-ոքի՝ 1:1։