Հայաստանի Մ16 հավաքականը 24 միավորի տարբերությամբ հաղթեց Մոլդովային
- Հեղինակ: Vahe Hakobyan
- Sportaran
Հայաստանի պատանեկան բասկետբոլի հավաքականը (Մ16) փայլուն հաղթանակով մեկնարկեց Եվրոպայի առաջնությունում «C» դիվիզիոնում։ Ալբանիայում ընթացող մրցաշարի առաջին տուրում հայ բասկետբոլիստները 80:56 հաշվով առավելության հասան Մոլդովայի հասակակիցների նկատմամբ։
Հանդիպման գլխավոր հերոսը դարձավ Քևին Քեշիշյանը՝ գրանցելով դաբլ-դաբլ՝ 21 միավոր, 10 անդրադարձ, ինչպես նաև 3 փոխանցում և 2 խլում։ Լավ աջակցություն ցուցաբերեց նաև Էդգար Աղաբեկյանը, ով հավաքեց 20 միավոր, 6 անդրադարձ, 4 արդյունավետ փոխանցում և 7 խլում։
Թիմին իրենց միավորներով աջակցեցին նաև Դավիթ Ալէե Փարրոթը (14) և Ստեֆան Կարիբյանը (12), որոնք, ինչպես Քեշիշյանն ու Աղաբեկյանը, հանդես են գալիս ԱՄՆ-ի դպրոցական բասկետբոլի լիգայում։
Մրցամարտի տեսագրությունը հասանելի է ԱՅՍՏԵՂ։
Հայաստանի հավաքականը հաջորդ հանդիպումը կանցկացնի հուլիսի 7-ին՝ Մալթայի դեմ, իսկ խմբային փուլի վերջին խաղը կլինի հուլիսի 10-ին՝ տանտեր Ալբանիայի հավաքականի դեմ։