Սարգիս Բեգոյանը՝ ազատ ոճի ըմբշամարտի Մ20 Եվրոպայի առաջնության եզրափակիչում
- Հեղինակ: Vahe Hakobyan
- Sportaran
Հայ ըմբիշ Սարգիս Բեգոյանը (մինչև 61 կգ) դուրս է եկել Իտալիայում անցկացվող ազատ ոճի ըմբշամարտի Մ20 Եվրոպայի երիտասարդական առաջնության եզրափակիչ։ Կիսաեզրափակիչում Հայաստանի հավաքականի ներկայացուցիչը վստահ հաղթանակ է տարել Շվեյցարիան ներկայացնող Սանդրո Հունգերբյուխլերի նկատմամբ՝ 7:0 հաշվով։
Եզրափակիչ գոտեմարտում Բեգոյանը կմրցի Ռուսաստանի ներկայացուցիչ Ադլան Սայտիևի հետ, որը կիսաեզրափակիչում վաղաժամ հաղթանակ է տարել ադրբեջանցի Բաշիր Բերոևի նկատմամբ՝ 15:5 հաշվով։
Սարգիսը դարձել է այս առաջնությունում Հայաստանի հավաքականի միակ եզրափակիչ դուրս եկած ըմբիշը։
Բեգոյանի ճանապարհը եզրափակիչ․
1/8 եզրափակիչ — Սարգիս Բեգոյան – Անդրեյ Շկոլյուկ (Ուկրաինա) — 4:3
1/4 եզրափակիչ — Սարգիս Բեգոյան – Էլիա Լուցիգա (Գերմանիա) — 11:0
1/2 եզրափակիչ — Սարգիս Բեգոյան – Սանդրո Հունգերբյուխլեր (Շվեյցարիա) — 7:0
Եզրափակիչ գոտեմարտը տեղի կունենա հուլիսի 6-ին։