Ալեքսանդրա Բիբիկինան 11-րդ տեղը գրավեց Փարիզում կայացած Եվրոպայի առաջնությունում
Այլ սպորտաձևեր
- Հեղինակ: Vahe Hakobyan
- Sportaran
Հայաստանը ներկայացնող Ալեքսանդրա Բիբիկինան Փարիզում անցկացվող ջրացատկի Եվրոպայի 2026 թվականի առաջնության երեք մետրանոց ցատկահարթակի մրցումներում զբաղեցրեց վերջնական 11-րդ տեղը։
Եզրափակիչում հայ մարզուհին վաստակեց 259,30 միավոր։ Մեկ տարի առաջ Բիբիկինան նույն մրցաձևում նվաճել էր արծաթե մեդալ՝ դառնալով նման մակարդակի մրցաշարում մեդալ նվաճած Հայաստանի առաջին ներկայացուցիչը։ Այս անգամ նրան չհաջողվեց կրկնել նախորդ տարվա հաջողությունը։
Եվրոպայի չեմպիոն դարձավ իտալուհի Կիարա Պելականին, որը վաստակեց 358,05 միավոր։ Սա նրա արդեն չորրորդ ոսկե մեդալն էր այս մրցաշարում։ Արծաթե մեդալը նվաճեց Մեծ Բրիտանիան ներկայացնող Յասմին Հարփերը, իսկ բրոնզը՝ չեզոք դրոշի ներքո հանդես եկող Նադեժդա Տրիֆոնովան։