Սամվել Տերտերյանը դուրս եկավ գերշահեցեով ըմբշամարտի միջազգային մրցաշարի եզրափակիչ՝ Կասպիյսկում

Հայաստանի հունահռոմեական ոճի ըմբիշ Սամվել Տերտերյանը (77 կգ) նվաճեց եզրափակիչի ուղեգիր Սուրակատ Ասիյատիլովի հիշատակին նվիրված հեղինակավոր միջազգային մրցաշարում, որը մայիսի 11-13-ը կայանում է Ռուսաստանի Կասպիյսկ քաղաքում։ Մրցաշարը համախմբել է մինչև 20 տարեկան ուժեղագույն ըմբիշներին՝ Ռուսաստանից, Հայաստանից և այլ տարածաշրջաններից։

Հայաստանի երիտասարդական հավաքականը մրցաշարին մասնակցում է ընդլայնված կազմով։ Առաջին մրցումային օրը անցկացվել են 55, 63, 77, 87 և 130 կգ քաշային կարգերի նախնական գոտեմարտերը։

77 կգ քաշային կարգում Հայաստանը ներկայացնող Սամվել Տերտերյանը վստահ քայլերով հասավ եզրափակիչ։ Կիսաեզրափակիչում նա 5:0 հաշվով հաղթեց իր հայրենակից Արթուր Ամոյանին։

Բացի Տերտերյանից, ևս երեք հայ ըմբիշներ պահպանում են բրոնզե մեդալ նվաճելու հնարավորությունը․

• Արթուր Ամոյան (77 կգ)

• Ալեքս Մարգարյան (63 կգ)

• Սեյրան Կիրակոսյան (130 կգ)

Եզրափակիչ զույգերը՝ ըստ առաջին օրվա արդյունքների.
55 կգ — Իլյա Կանդալին (Ռուսաստան) — Տարոն Վարդանյան (Ռուսաստան)
63 կգ — Դորջի Շունգուրձիկով (Ռուսաստան) — Դալեր Տոշով (Բաշկորտոստան)
77 կգ — Սամվել Տերտերյան (Հայաստան) — Ադամ Աբդուլաև (Սևաստոպոլ)
87 կգ — Աբդուրահման Աբդուլքադիրով (Ռուսաստան) — Մանվել Հարությունյան (Ռուսաստան)
130 կգ — Գեորգի Գաբեև (Ռուսաստան) — Ամիրան Քարդանով (Սանկտ Պետերբուրգ)

Հայաստանի հավաքականի ամբողջական կազմը՝ ԴԻՏԵՔ ԱՅՍՏԵՂ