Ռաֆիկ Դարմոյանը՝ ծանրամարտի Եվրոպայի մինչև 17 տարեկանների առաջնության բրոնզե մեդալակիր

Հայ ծանրամարտիկ Ռաֆիկ Դարմոյանը (71 կգ) բրոնզե մեդալ է նվաճել Մադրիդում անցկացվող Եվրոպայի մինչև 17 տարեկանների առաջնությունում։

Դարմոյանը պոկումում գրավել է երկրորդ տեղը, իսկ հրումում՝ երրորդ, ավելացնելով Հայաստանի հավաքականի հաշվին ևս երկու փոքր մեդալ։ Երկամարտում նա ցույց է տվել 273 կգ արդյունք (պոկում՝ 121 կգ, հրում՝ 152 կգ)։ Առաջին երկու տեղերը զբաղեցրել են Ռուսաստանի մարզիկները։

Մինչև 71 կգ քաշային կարգի (տղաներ) վերջնական արդյունքները․

• Արսենի Կուրոչկին (Ռուսաստան) — 286 կգ (125+161)

• Սերգեյ Լուկանին (Ռուսաստան) — 274 կգ (119+155)

• Ռաֆիկ Դարմոյան (Հայաստան) — 273 կգ (121+152)

Այսպիսով, Հայաստանի հավաքականն արդեն ունի 5 մեդալ Եվրոպայի մինչև 17 տարեկանների առաջնությունում (3 փոքր և 2 մեծ)։