Արման Ծառուկյանը կմասնակցի Թբիլիսիում կայանալիք RAF Wrestling մրցաշարին. ամբողջական քարդը

Հուլիսի 11-ին Թբիլիսիում կկայանա RAF Georgia մրցաշարը՝ ամերիկյան RAF Wrestling ըմբշամարտի լիգայի առաջին արտասահմանյան իրադարձությունը։ Մրցաշարը կանցկացվի Վրաստանի մայրաքաղաքում և կհավաքի պրոմոուշենի պատմության ամենաաստղային քարդերից մեկը։

Երեկոյի գլխավոր մենամարտում UFC-ի վրացական աստղ Մերաբ Դվալիշվիլին կմրցի օլիմպիական չեմպիոն և UFC-ի նախկին չեմպիոն Հենրի Սեհուդոյի հետ։ Համագլխավոր իրադարձությունը կլինի օլիմպիական չեմպիոններ Քայլ Սնայդերի և Աբդուլռաշիդ Սադուլաևի չեմպիոնական գոտեմարտը RAF-ի կիսածանր քաշային կարգի տիտղոսի համար։

Հայ երկրպագուների համար առանձնահատուկ հետաքրքրություն է ներկայացնում Արման Ծառուկյանի մասնակցությունը։ UFC-ի թեթև քաշային կարգի լավագույն մարտիկներից մեկը գոտեմարտ կանցկացնի ղազախստանցի մարտիկ Կուատ Համիտովի դեմ։

Մրցաշարը մեծ իրադարձություն կլինի նաև վրացական հանրության համար․ քարդում ընդգրկված են հինգ վրացի մարզիկներ, այդ թվում՝ ազատ ոճի ըմբշամարտի լեգենդար օլիմպիական չեմպիոն Գենո Պետրիաշվիլին։

Մրցաշարի սկիզբը՝ 20:00-ին։ Տոմսերը հասանելի են biletebi.ge կայքում, արժեքը սկսվում է 40 դոլարից։

RAF Georgia մրցաշարի ամբողջական քարդը

Մերաբ Դվալիշվիլի — Հենրի Սեհուդո

Քայլ Սնայդեր — Աբդուլռաշիդ Սադուլաև — չեմպիոնական գոտեմարտ կիսածանր քաշային կարգում

Գենո Պետրիաշվիլի — Ջեյք Վարներ

Քայլ Դեյք — Վլադիմերի Գամկրելիձե

Արման Ծառուկյան — Կուատ Համիտով

Հելեն Մարուլիս — Անգելինա Լիսակ

Վլադիմիր Խինչեգաշվիլի — Քոնոր Բիբ

Ռազամբեկ Ժամալով — Ժակ Ռուժո

Զեյն Ռեթերֆորդ — Էրնազար Ակմատալիև

Գիվի Մաչարաշվիլի — Ռոքի Էլամ

Անաստասիա Նիչիտա — Վինեշ Ֆոգատ

Բրոկ Հարդի — Ալիբեգ Ալիբեգով

RAF Georgia-ն կմիավորի օլիմպիական չեմպիոնների, աշխարհի չեմպիոնների, MMA-ի աստղերի և միջազգային ըմբշամարտի ուժեղագույն ներկայացուցիչների։ RAF Wrestling-ի համար Թբիլիսիի մրցաշարը կարևոր քայլ կլինի լիգայի միջազգային զարգացման ճանապարհին։