Օլիմպիական չեմպիոն Մուսա Եվլոևը կմասնակցի Երևանում կայանալիք Բենուր Փաշայանի անվան մրցաշարին

Հունահռոմեական ոճի ըմբշամարտի օլիմպիական չեմպիոն, աշխարհի և Եվրոպայի կրկնակի չեմպիոն Մուսա Եվլոևը կմասնակցի Բենուր Փաշայանի անվան միջազգային մրցաշարին։

Մրցաշարը կանցկացվի հունիսի 30-ից հուլիսի 1-ը Երևանում՝ «Դինամո» մարզահամալիրում։ Եվլոևը հանդես կգա մինչև 97 կգ քաշային կարգում։

Նրանից բացի, գորգ դուրս կգան նաև մի շարք տիտղոսակիր ըմբիշներ։ Մրցաշարին կմասնակցեն 2024 թվականի Եվրոպայի փոխչեմպիոն Մագոմեդ Մուրթազալիևը, 2022 թվականի Եվրոպայի փոխչեմպիոն Արվի Սավոլայնենը, ինչպես նաև 2024 թվականի Եվրոպայի չեմպիոն Արտյոմ Դելյանուն, որը հանդես է գալիս մինչև 55 կգ քաշային կարգում։

Մրցաշարին հայտավորված են նաև Մ-23 աշխարհի և Եվրոպայի առաջնությունների ոսկե մեդալակիր Գիորգի Չխիկվաձեն և 2021 թվականի աշխարհի առաջնության բրոնզե մեդալակիր Արկադիուշ Կուլինիչը։

Ընդհանուր առմամբ, Բենուր Փաշայանի անվան միջազգային մրցաշարին հայտավորված են 13 երկրների ներկայացուցիչներ։ Մասնակիցների ամբողջական ցուցակը հայտնի կդառնա վիճակահանությունից հետո։