«Նոան» Սլովենիայում առաջին ընկերական խաղում պարտվեց «Կոպերին»
Ֆուտբոլ
- Հեղինակ: Vahe Hakobyan
- Sportaran
Հայկական «Նոան» Սլովենիայում անցկացվող ուսումնամարզական հավաքի շրջանակում անցկացրեց առաջին ստուգողական հանդիպումը։
Թիմը 0:2 հաշվով պարտվեց տեղի «Կոպերին»։ Հանդիպումն անցկացվել է փակ ռեժիմով՝ առանց ուղիղ հեռարձակման։
«Նոայի» հավաքը Սլովենիայում կտևի մինչև հուլիսի 7-ը։ Այս պահին հայկական թիմի համար նախատեսված է ևս երեք ստուգողական հանդիպում։ Հաջորդ խաղը «Նոան» կանցկացնի հունիսի 28-ին՝ «Ալյումինիի» դեմ։
Նշենք, որ այսօր նույն թիմի հետ խաղացել է նաև հայկական մեկ այլ ակումբ՝ «Փյունիկը»։ Հանդիպումն ավարտվել է ոչ-ոքի՝ 2:2 հաշվով։
Հիշեցնենք, որ «Նոան» պատրաստվում է Կոնֆերենցիաների լիգայի որակավորման երկրորդ փուլին, որտեղ Հայաստանի ներկայացուցիչը կմրցի մոլդովական «Զիմբրուի» հետ։