Նաիր Տիկնիզյանը 74 րոպե խաղաց «Ցրվենա Զվեզդայի» խոշոր հաշվով հաղթանակում
- Հեղինակ: Vahe Hakobyan
- Sportaran
Հայաստանի ազգային հավաքականի պաշտպան Նաիր Տիկնիզյանը մասնակցել է Սերբիայի 2026/27 մրցաշրջանի առաջնության առաջին տուրի հանդիպմանը։
Երկրի գործող չեմպիոն «Ցրվենա Զվեզդան» սեփական հարկի տակ 5:0 հաշվով ջախջախել է «Մաչվային»։ Հայ ֆուտբոլիստն ընդգրկվել է բելգրադյան թիմի մեկնարկային կազմում և խաղադաշտում անցկացրել 74 րոպե։
Տիկնիզյանն ակտիվորեն միացել է գրոհներին և մեծ ծավալի աշխատանք կատարել ձախ եզրում։ Հանդիպման արդյունքներով Հայաստանի հավաքականի պաշտպանը SofaScore վիճակագրական հարթակից ստացել է 7,5 գնահատական։
Նաիր Տիկնիզյանի վիճակագրությունը հանդիպման ընթացքում․
Հարվածներ՝ 1
Առանցքային փոխանցումներ՝ 1
Ճշգրիտ փոխանցումներ՝ 38՝ 41-ից (93%)
Գնդակի կորուստներ՝ 10
Կասեցումներ՝ 4
Գնդակի վերադարձներ՝ 2
Հաղթած մենապայքարներ՝ 4՝ 6-ից
Հաղթած օդային մենապայքարներ՝ 1՝ 1-ից
SofaScore-ի գնահատականը՝ 7,5
Հատկանշական է, որ ամռանը «Ցրվենա Զվեզդայի» կազմը համալրել է Կիպրոսի հավաքականի վինգեր Լոիզոս Լոիզուն։ Առաջիկայում Տիկնիզյանն ու Լոիզուն կարող են մրցակիցներ դառնալ Հայաստանի և Կիպրոսի ազգային հավաքականների հանդիպման ժամանակ։
Երկու ֆուտբոլիստներն էլ կարող են գործել նույն եզրում․ Տիկնիզյանը՝ պաշտպանությունում, իսկ կիպրոսցի խաղացողը՝ հարձակման գծում։