Կյուրասաոն առաջին միավորը վաստակեց աշխարհի առաջնությունների պատմության մեջ՝ ոչ-ոքի խաղալով Էկվադորի հետ
- Հեղինակ: Vahe Hakobyan
- Sportaran
Կյուրասաոյի հավաքականն առաջին միավորը վաստակեց աշխարհի առաջնությունների պատմության մեջ։ ԱԱ-2026-ի խմբային փուլի երկրորդ տուրում թիմը ոչ-ոքի խաղաց Էկվադորի հետ՝ 0։0։
Կյուրասաոյի համար այս արդյունքը պատմական դարձավ Գերմանիայից կրած ծանր պարտությունից հետո, որը թիմի դեբյուտային խաղն էր աշխարհի առաջնությունում։ Կյուրասաոն կարողացավ վերադասավորվել, դիմակայել Էկվադորի մեծ ճնշմանը և նույնիսկ պահեր ստեղծեց հաղթանակ կորզելու համար։
Հանդիպման գլխավոր հերոսը Կյուրասաոյի դարպասապահ Էլոյ Ռոմն էր։ Նա 15 սեյվ կատարեց և ճանաչվեց խաղի լավագույն ֆուտբոլիստ։ Եզրափակիչ սուլիչից հետո Կյուրասաոյի ֆուտբոլիստները ոչ-ոքին տոնեցին մեծ հաղթանակի պես. սա երկրի առաջին միավորն էր աշխարհի առաջնությունների պատմության մեջ։
Էկվադորի համար այս ոչ-ոքին լրջորեն բարդացրեց փլեյ-օֆֆ դուրս գալու պայքարը։ Վերջին տուրում թիմը կմրցի Գերմանիայի հետ, որն արդեն ապահովել է խմբից դուրս գալը առաջին տեղով։
Միևնույն ժամանակ E խմբում ինտրիգը պահպանվում է։ Կյուրասաոն, Էկվադորը և Կոտ դ’Իվուարը դեռ շարունակում են պայքարը 1/32 եզրափակիչ դուրս գալու համար։
E խմբի մրցաշարային աղյուսակը
- Գերմանիա — 6 միավոր
- Կոտ դ’Իվուար — 3
- Էկվադոր — 1
- Կյուրասաո — 1