Կարեն Խաչանովը դուրս եկավ «Ռոլան Գարոս»-2026-ի երրորդ շրջան
- Հեղինակ: Vahe Hakobyan
- Sportaran
Կարեն Խաչանովը շարունակում է պայքարը Ֆրանսիայի բաց առաջնությունում՝ «Ռոլան Գարոս»-2026-ում։ Ռուսաստան ներկայացնող թենիսիստը դժվարին հաղթանակի շնորհիվ դուրս եկավ մրցաշարի երրորդ շրջան։
1/32 եզրափակչի խաղում Խաչանովը մրցեց արգենտինացի Մարկո Տրունգելիտիի հետ։ Հանդիպումը ստացվեց լարված և ավարտվեց չորս սեթում։ Կարենը առաջին սեթում հաղթեց թայ-բրեյքում՝ 7:6 (7:5), սակայն երկրորդ սեթում զիջեց 5:7 հաշվով։
Դրանից հետո Խաչանովը վստահ անցկացրեց երրորդ սեթը և հաղթեց 6:1 հաշվով։ Չորրորդ սեթում պայքարը կրկին հասավ թայ-բրեյքի, որտեղ Կարենը դարձյալ ավելի ուժեղ գտնվեց՝ 7:6 (7:4)։
Հանդիպման վերջնական հաշիվն է՝ 7:6 (7:5), 5:7, 6:1, 7:6 (7:4)՝ հօգուտ Խաչանովի։
«Ռոլան Գարոս»-ի հաջորդ շրջանում Կարեն Խաչանովի մրցակիցը կլինի Նիդերլանդները ներկայացնող թենիսիստ Յեսպեր դե Յոնգը։